"100-vjet Korçë shqiptare", Artan Lame hap ekspozitën me flamuj të rrallë shqiptarë

Publikuar tek: kulture-art, më 19:59 01-12-2016

Historiani e studiuesi Artan Lame, ka njoftuar për çeljen e ekspozitës së tij ku do të ekspozohen 50 flamuj të rrallë shqiptarë të të gjitha kohërave. Ekspozita përkon me 100 vjetorin e Autonomisë së Korçës.

Ja çfarë shkuran Artan Lame:

4 vjet më parë, bëmë 100 vjetët e Shqipërisë së Mosvarme. Tani pas ca ditësh, do bëjmë 100 vjetët e Korçës Autonome. Ndoshta dy ngjarjet më të rëndësishme këto, të formimit të trungut tonë shtetëror.

100-vjetorit të Vlorës ja bëmë nderet. Tani na takon detyra t’i bëjmë nderet 100-vjetorit të Korçës.

E në këtë detyrim, do përpiqem edhe unë të bëj timen përmes kësaj Ekspozite, për të cilën dua të falenderoj veçan Ndënëkryeministrin Peleshi dhe Kryetarin Filo, për mbështetjen dhe kurajimin që më dhanë.

Ekspozita përmban rreth 50 flamuj shqiptarë të të gjitha kohëve tona me shtet. Midis qindra flamujve e zhgabonjave të qëndisura e stamposura që kam, u vura gishtin e përzgjodha veçmas ata që janë flamuj shtetërorë, pra, të prodhuar nga autoriteti publik. Kjo për dy arsye.

E para, për t’u shmangur nga folklorizma patriotike, që sot është vulgarizuar, paçka se qëmoti ka qenë shumë më elegante e fine.

E dyta, se në ka gjë që na nevojitet dhe e kemi të mangët ne shqiptarët, është pikërisht të vepruarit shtetërisht dhe të njohurit e autoritetit të ligjit e të shtetit.

Sondazh

Më shumë në këtë kategori: « U hoq busti i Petro Markos dhe u vendos ai i Albano Karrisit, reagon fondacioni: Kishim lejen e bashkisë dhe kujdesin e ministrit
Prindër... harrojini kapsollat e pistoletat! Kjo është dhurata më e bukur që mund t’u bëni fëmijëve tuaj »
Article Logic
Execution time: 0.021571159362793
array(1) { ["section"]=> string(86) "100-vjet-korce-shqiptare-artan-lame-hap-ekspoziten-me-flamuj-te-rralle-shqiptare-61293" }