AI rendit problemet me të drejtat e njeriut në Shqipëri: Mosndëshkueshmëri për 21 Janarin

Publikuar tek: politike, më 08:26 24-02-2016 AI rendit problemet me të drejtat e njeriut në Shqipëri: Mosndëshkueshmëri për 21 Janarin

Organizata ndërkombëtare për të drejtat e njeriut Amnesty International ka publikuar raportin vjetor mbi gjendjen e të drejtave të njeriut në botë, ku analizon 160 vende, ndër të cilat edhe Shqipërinë.

Ndër problemet kryesore që nënvizon Amnesty International në Shqipëri, janë gjendja e komunitetit rom dhe egjiptian, sidomos për sa i përket të drejtës për strehim. "Situata e rëndë ekonomike që ka detyruar mijëra shqiptarë të largohen drejt vendeve të Evropës Perëndimore dhe mbrojtja e pamjaftueshme e viktimave të dhunës në familje".

AI shpreh shqetësimin për shkatërrimin në korrik të banesave të shumë familjeve rome, pasi ishin identifikuar si ndërtime të paligjshme dhe autoritetet nuk kishin lejuar legalizimin e ndërtimeve në përputhje me ligjin e vitit 2014.

Dhuna ndaj grave dhe vajzave - AI raporton se megjithë kërkesat e shumta pranë autoritete të grave dhe vajzave për mbrojtje nga dhuna në familje, vetëm një përqindje e vogël e këtyre kërkesave janë miratuar, pasi viktimat tërheqin padinë si rezultat i presionit nga të afërmit.

Kultura e pandëshkueshmërisë mbetet problem, vëren në raportin e saj Amnesty International, duke përmendur ish-drejtorin e policisë së shtetit Hysni Burgaj dhe zëvendësin e tij Agron Kuliçaj që nuk zbatuan urdhër-arrestet për anëtarë të Gardës Kombëtare të akuzuar për vrasjen e katër protestuesve në janar 2011. Nga kultura e mësndëshkimit përfitoi edhe Aleks Nika, megjithë shpalljen fajtor në këtë incident, thuhet më tej në raport.

Ndër probleme të tjera në Shqipëri, raporti ngre gjendjen e vështirë ekonomike që ka shtyrë mijëra vetë gjatë vitit të kaluar të kërkonin strehim në Evropën Perëndimore. Po ashtu mbetet problem, thekson Amnesty International, gjendja në burgje dhe qendra para-burgimi ku të burgosurit dhe të ndaluarit keqtrajtohen dhe mbahen në kushte të papërshtatshme.

Amnesty International nxjerr çdo vit një raport mbi respektimin e të drejtave të njeriut në botë. Në prezantimin e raportit të sivjetshëm, organizata thekson se shumë nga të drejtat e njeriut janë aktualisht nën kërcënimin e masave të ashpra për hir të sigurisë kombëtare, apo nën presionin e interesave afat-shkurtra kombëtare. Një prirje e rrezikshme, thekson organizata, vërehet aktualisht ku qeveritë po përpiqen të kufizojnë shumë të drejta duke i cilësuar si kërcënime ndaj sigurisë. Kjo prirje, thekson Amnesty International po vë në rrezik përparimet e bëra në botë gjatë 70 viteve të fundit.

Sondazh

Më shumë në këtë kategori: « Nënkryetarja e bashkisë, Paskali: “Grand Kafe” ishte pjesë e projektit, e hoqëm
“Nuk është “Grand Kafe por Grand Lagje”, ironia e Pandeli Majkos për protestën te Parku i Liqenit »
Article Logic
Execution time: 0.022050857543945
array(1) { ["section"]=> string(94) "ai-rendit-problemet-me-te-drejtat-e-njeriut-ne-shqiperi-mosndeshkueshmeri-per-21-janarin-33387" }