Akuzat e Doshit, Klosi: U përdor politikisht. Manjani: Është një lojë për interesa politike e ekonomike

Publikuar tek: politike, më 21:30 05-03-2015 Akuzat e Doshit, Klosi: U përdor politikisht. Manjani: Është një lojë për interesa politike e ekonomike

Çështja e atentatit ndaj deputetit Tom Doshi ka nxitur debate si në Parlament por edhe në studio televizive. Në një debat në emisionin “Të Ekspozuarit”, Ylli Manjani është i mendimit se e gjithë kjo është një lojë për interesa politike dhe ekonomike të nxitura edhe nga xhelozia e suksesit të LSI.

Klosi: Mua më duket se s’është asgjë. Unë i besoj Tahirit se ka përgjegjësi për ato që thotë. I besoj llafit të tij dhe nga c’dëgjova del se kjo është një lojë e deputetit Doshi. Janë ato kic-micet e shqiptarëve që kur gjenden të pakënaqur. U bë e madhe se e shfrytëzoi opozita dhe e pamë sot që kërkoi largimin e kryetarit të Kuvendit. Mua më erdhi keq që pashë atë seancë

Topi: Sado të dobëta të jenë institucionet, fjalën e fundit do e thotë drejtësia por duke iu referuar kësaj klime jemi në rrjedhën kronike të krijimit të psikozave. Është një periudhë e tranzicionit që bën të tilla psikoza. Kujtoj 2 janarin 2012, paprimtas e kujtoj veten si të akuzuar kryetarin e grushtit të shtetit. Na dalin prapë figura recediviste në situata të tilla. Ajo që më shqetëson më shumë është psikoza shumë e rëndë në shoqëri. Shumë njerëz e shikojnë veten të larguar nga Shqipëria. Sot në 2015 njerëzit duan të ikin. Fajin e shikoj tek disa përfaqësues, nuk mund t’i akuzoj të gjithë, me emër me pëshë që shfrytëzojnë situatat për të bërë gjuetinë tek kërmat që krijohen gjatë rrugës.

Manjani: Gabimi historik i klimës politike në Shqipëri është ideja e psikozës negative dhe mjeti është ajo që quhet akuzë. Në një situatë normale akuzën e bën prokuroria. Prokuroria ka arritur të ngrejë akuza zyrtare ndaj zyrtarëve të shtetit dhe për shkak të përdorimit të shpeshtë të akuzës duket sikur të gjithë janë të akuzuar njëlloj. Që një deputet del para parlamentit dhe bën një deklaratë qoftë dhe me indicie brenda, por kjo nuk është akuzë. Në këtë rast Meta do thoshte se ndjehem i privilegjuar që një person që më akuzon është i akuzuar për vete. Kjo është një vorbull, një lojë një makinacion i castit me interesa ekonomike patjetër, si dhe mandate politike. Ndodh jo rastësisht ndaj LSI që është në ngritje elektorale dhe kjo shfaq edhe xhelozi. Z.Doshi në PS ka qenë faktor i rëndësishëm, ka marrë përsipër shumë detyra përfaqësuese. Kjo ka ardhur edhe pse e majta ka qenë e përcarë, për të zëvendësuar fuqinë që të jep bashkimi tentohet të shkohet në këto mjedise. Për bashkimin e të majtës ka patur shumë reagime, edhe nga z.Doshi. Tentohet për të folur kundër bashkimit.

Krasniqi: Kjo gjë mund të ndodhte para 6 muaj. Të njëjtat info, të njëjtat materiale dhe nuk ka patur asnjë reagim. Nuk ka reaguar Prokurori. Të na i thoshte Prokuroria, të bëhej para 6 muajsh. Pse? Para 6 muajsh debati ka qenë në institucione, duke u trajtuar në atë kohë do merrte zgjidhje, kurse në këtë moment është futur politika, duke u kthyer në një aksion politik. Para 6 muajsh Prokurori do ishte i qetë, jo në shantazh për zgjidhje. Është më shumë kalim i topit nga zyrat e shtetit tek prokuroria se sa përpjekje për zgjidhje. Edhe kryetari i PS dhe i PD e kanë ditur se cfarë Ju thatë se goditet LSI, pse në Shqipëri ka gjithnjë video ose për këngë ose për LSI-në. C’punë ka komisioni i SIgurisë, Braho të ketë video?

Topi: Parimi diagnostik, sa më shpejt aq më mirë. Sa më herët të vepronin institucionet aq më mirë

Krasniqi: Përdorimi politik është një anë, përdorimi i seancës së parlamentit është një tjetër gjë. Është normale në cdo vend të botës mocioni. Fakti që palët nuk e zgjidhën, por lajmëruan seancë do të thotë se lajmëruan për luftë.

Topi: Z.Krasniqi keni të drejtë por në cdo rast ne shohim defekte në institucionet tona. Cfarë pamë sot, pamë që komisioni në fjalë nuk u fut në lojë. Ka shumë raste nga retrospektiva parlamentare që komisioni i ligjshmërisë mund të merrej me këtë cështje, por ai u bllokua.

Krasniqi: Nuk janë të gjithë të sinqertë deri në fund. Unë i besoj Tahirit por ajo që s’më pëlqeu është se pse nuk reagoi dhe as pse përmendi emra në deklaratë. Pjesa e mirë ishte se për herë të parë nuk akuzoi opozitën. Pjesa negative është sepse nuk kishte pse përmendte emra, t’ia kalonte Prokurorisë.

Manjani: Që nga fillimi këtu asgjë nuk është institucionale.

Krasniqi: Kush është ministri nuk është prifti, i besoj apo jo. Fati ynë nuk varet nëse i beson Tahiri apo jo. Mjafton që DOshi nuk ishte deputet dosido dhe është një nga më të pasurit në vend. Mjaftojnë këto indicie për t’ia përcjellë institucioneve.

Klosi: Po kur të thotë nuk besoj, cfarë do bësh. Jam i sigurt që ka qenë takim mes miqsh

Krasniqi: Drejtori i Policisë thotë se nuk di gjë fare. Edhe sot në mënyrë zyrtare ka deklaruar që nuk ka dijeni për asgjë

Manjani: Kur të pyetet do ta shohim. Policia ka bërë veprime hetimore. Nuk ka asgjë për të hetuar.

Topi: Dakord Ylli por ka dicka. Kur në lojë futen personazhe të rëndomtë dhe futen në konfidencialitet me zyrtarë të lartë. Në cdo rast gjithcka përfundon tek Presidenti i Republikës. Dhe kur bëhet fjalë për vrasjen e një deputeti duhet të shkojë tek Presidenti. Por ai nuk ka informacion. Përfundojmë pastaj tek 14 shtatori 1998.

Klosi: Unë e di se është i detyruar vetëm Shërbimi

Topi: Shërbimi është gjë tjetër. Po eksplozivi që ndodhi mbrëmë. Klima e eksplozivit. Ku është Shërbimi i Shtetit. Ku është shërbimi që se ka lajmëruar Presidentin për ngjarjen e Doshit që ka 6 muaj.

Manjani: Nuk është cështje pra.

Krasniqi: Për vrasjet nuk duhet të heshtim. Mos krijojmë lojra si sot. Të krijojmë një strukturë të parandalojmë skena të tilla. Ky është Parlamenti më problematik. Njerëzit nuk janë vendosur për shkak të meritave politike. Nuk e dinë pse janë në parlament. Janë emëruar nga 4 njerëz.

Topi: Është në sens absolut Parlamenti më i dobët i gjithë shtetit shqiptar. I referohem një intervistë të datës 15 prill 2008. U dha kur forcat kishin vendosur për të ndryshuar kushtetutën. Aty kam paralajmëruar gjithcka. Një Parlament që është nën thundrën e partive. Ka ul standardin. Nuk ka filtër. Gjithcka përcaktohet nga vullneti i kryetarëve të partive. Demokracia brenda partive, nuk ka. Janë përjashtuar intelektualë. Nuk dua të fyej askënd. Po parlamenti ka rënë në nivelin intelektual, janë futur njerëz me rekorde kriminale. Nuk mund të them që ne kemi patur një situatë të pastër, por me kalimin e viteve situata duhet të përmirësohet, por ne më duket se kemi shkuar mbrapsht. Mirë që mblidhet njëherë në javë, por edhe ligjet kalojnë me shpejtësi të jashtëzakonshme. Nuk ka debat për ligjet. Eshtë vendi ku kontrollohet qeveria. Është vendi ku bëhen mocione. Edhe kjo nuk ndodh. Është vendi ku i bëhet tualet dy apo tre personave. Njerëzit e heqin, ndërrojnë kanal. Ka fyerje, gjuhë vulgare, akuza të tmerrshme që përfshijnë njerëz të familjeve. Pasojat janë të tmerrshme.

Manjani: Bie dakord me Topin. Ka një rrëshqitje e të bërit politik. Kemi krizë me konceptin e parlamentarizmit. Po vjen në rrëshqitje koncepti i debatit. Që nis që nga jeta  e partive politike. Mendoj që filozofia politike  ekompozimit të parlamentit para 2005 ka qenë më e mirë.

Manjani: I zgjedhim ne kryetarët e partive por cështja është këtu. Përgjithësisht partitë politike duke mos qenë luajale. Përcarja e të majtës ka sjellë gjithnjë dikë pa vota. Ra kriteri i përfaqësimit. Edhe PD ra në këtë kurth. Prandaj u bë konsensusi i 2008. Edhe pse unë isha kundër. Dekriminalizimi është një autogol, që opozita të kthehet në Parlament. Dekriminalizimin e bën vetëm Gjykata. Në të kundërt kthehemi tek Enver Hoxha që të quante kulak.

Manjani: Vjedhja e kutive është pjesë e psikozës.

Topi: KQZ funksiononte me 7 vetë, nga një përfaqësues partitë  e mëdha, më pas aleatët, Presidenti një dhe një e kishte KLD. Më pas u bë bipartizan, absurde. Partitë që nuk kanë pjesë në komision janë pa avokat.

Krasniqi: Deri në ‘96 njerëzit besonin në parti dhe programe, më pas u kërkua një mekanizëm tjetër; njeriu që sjell vota. Edhe liderët e dinë: unë e caktoj këtë njeri edhe pse problematik se më sjell vota.

Manjani: U krijua psikoza e re pas KPD-së, ta mbyllim gojën, mos krijojmë skandale dhe të vijmë tek One Man Show. E vështirë krijimi i një klime politike.

Topi: Edhe në raportin shtet-pushtet, duhet të prevalojë shteti.

Krasniqi: U shkarku një deputet, u shkarkuan tre drejtora. SI nuk ka meritokraci. Si u clirua nga kontrata që do më japësh kaq përqind. Ne kemi kryetarë që kanë vila në gjithë Shqipërinë, duke patur burim vetëm pagën.

Manjani: E kemi me Kushtetutë që nuk e stimulon një biznesmen të bëhet deputet. Termi dekriminalizim nuk është i qartë. Duhet C’tregtarizim. Një parlament bëhet si agjenci legalizimi për ta dekriminalizuar, të duket sikur të merr në mbrojtje.

Klosi: Ajo që ndodhi sot ka ndodhur edhe herë të tjera. Parlamenti e ka ndryshuar rolin e tij, përfundoi si sot. Sot fajin e kishte opozita që kërkonte me ngulm se nuk vinte më në parlament nëse kryetari nuk jepte dorëheqjen. DOrëheqja është një akt personal.

Krasniqi: Ky Parlament është KPD-ja e famshme.

Manjani: Kjo është cështje konceptuale. Në drejtësi ne kemi provuar gjithcka. Dokumentet bazë janë në shporta me kushedi sa vrima. Një gjë nuk kemi provuar, kam insistuar: kemi harruar elementin njerëzor. Mos mendoni se me 800 mijë lekë të vjetra do bëhet drejtësi. Ky është një profesion shumë i vecantë. Rroga duhet të jetë të paktën 1 lek më shumë se rroga e presidentit të Republikës. Shteti duhet ta vlerësojë gjykatësin. Nëse gjykatësi cedon, shteti ka marrë fund. Para Prokurorit nuk është e thënë se avokat i shtetit është. T’u heqim alibinë se nuk u del rroga. A do ketë korrupsion? Patjetër, se nuk mund të kemi kaq kontroll. Auditin e ka patur Gjykata e Lartë, nuk është ndonjë gjë e keqe mund të shkojë deri aty. Por në radhë të parë ta paguajmë, ti krijojmë kushte, ti shkruajmë ligjet në rrjedhë llogjike. Krijohet një kastë që e bën hermetike shkrimin e ligjeve, dhe duket sikur flasim arabisht për ata që nuk e kuptojnë.

Manjani: Logjika e kostos mbetet për t’u parë(rasti Doshi). Kjo histori duhet të mbarojë me një fajtor. O Ilir Meta ka dhënë urdhër apo para ose ai që ka mashtruar duhet të dënohet. Kush përdor farsën për të krijuar mashtrim. Nesër Meta së bashku me Ramën do shkojnë në Prokurori. Kjo histori duhet të mbarojë: ose shantazhi shkon në burg, ose kjo ngjarje është e vërtetë.

Topi: Përderisa ka qenë një përfaqësues jo pak i rëndësishëm i PS, padyshim që një kosto e ka: PS nuk del më e fortë pas kësaj, konsumon një problem dhe s’ka të drejtë morale ta kthejë situatën duke e kritikuar. Ka një kosto. A do ta rikuperojë PS? Koha do ta tregojë

Klosi: Një kosto e ka. Shpresoj që PS dhe të tjerat të nxjerrin mësim që me njerëz të tillë mos të kenë punë, Njerëz që vijnë nga biznesi se janë të fortë, të bëhet kujdes dhe të nxirret mësim. DUhet eksperienca e një ngjarje që se beson se ndodh.

Krasniqi: Mbledhja ishte formale, njerëzit ishin të përgatitur. Doshi zyrtarisht është deputet i PS-së. Goditja më e madhe e Z.Doshit i është bërë nga deklaratat e ambasadorit amerikan. Nuk mendoj se do ketë provë dhe se do mbyllet me kaq. DO jetë kalë beteje për vitet e ardhshme. Sic ishte lajm i mirë që po shkojnë të gjithë për të dëshmuar, ata kanë emëruar edhe gjykatësit. Partitë politike komandojnë një reformë në drejtësi sipas modelit që ato e duan. Shpresojmë të mësojmë ca gjëra nga kjo histori. Kur dikush të na vijë në zyrë shteti ta dërgojmë në polici. Mos emërojnë deputetët kush ka pasuri.

Sondazh

Më shumë në këtë kategori: « PD: Në 12 mars protestë kundër Ilir Metës, por s’do ketë bojkot
Zv/ministri i Mbrojtjes ndihet i lodhur nga “Doshi”, shfryn kundër gazetarëve »
Article Logic
Execution time: 0.26118087768555
array(1) { ["section"]=> string(105) "akuzat-e-doshit-klosi-u-perdor-politikisht-manjani-eshte-nje-loje-per-intereesa-politike-e-ekonomike-5078" }