Alarmi i muxhahedinëve në Shqipëri: Po komplotohet kundër nesh

Publikuar tek: aktualitet, më 16:54 14-03-2018 Alarmi i muxhahedinëve në Shqipëri: Po komplotohet kundër nesh

Organizata e muxhahedinëve në Shqipëri ka publikuar sot një deklaratë për mediat ku akuzon regjimin Iranian se po përgatit një komplot ndaj tyre duke u fshehur pas “shfaqjeve kulturore”.

Sipas Këshillit Kombëtar të Rezistencës së Iranit, ishte edhe simpoziumi i mbajtur për Naim Frashërin në fillim të marsit në Teheran. Sipas fotove të publikuara nga muxhahedinët, në këtë takim në Iran ka marrë pjesë edhe ish-presidenti, Rexhep Meidani.

“Një nga shembujt e fundit ishte mbajtja e takimeve më 5 dhe 6 mars 2018 në Teheran, për të përkujtuar Naim Frashërin, poetin e fundit të shekullit të XIX nga Shqipëria. Ministria e Inteligjencës së regjimit (MOIS) dhe ambasada sollën një numër shtetasish shqiptarë dhe ballkanas si akademikë dhe gazetarë për të marrë pjesë në këto takime.

Sipas faqeve të internetit të lidhura me MOIS, në këto takime, mercenarë të njohur të MOIS-it si Ebrahim Khodabandeh, si përfaqësues i Shoqatës Nejat të drejtuar nga MOIS, foli me pjesëmarrësit shqiptarë duke ju pohuar se kishte "kërcënime sigurie" nga PMOI në "Ballkan, dhe në veçanti në Shqipëri "dhe përsëriti gënjeshtrat qesharake që fëmijët e tyre" mbahen rob "në duart e PMOI-së. Ata kërkuan "lehtësimin e udhëtimit të familjeve në Shqipëri për t'u takuar me të dashurit e tyre".

Meqë qëllimi i inteligjencës së Mullahëve është të ushtrojë presion dhe të rrezikojë sigurinë e anëtarëve të PMOI-së në Shqipëri, Rezistenca Iraniane i bën thirrje qeverisë shqiptare të mos lejojë që Gestapo dhe mercenarët e Mullahëve të mund të ndërhyjnë lirisht në vend dhe të bëjnë komplote kundër refugjatëve iranianë. Rezoluta e Këshillit të BE-së të prillit 1997 përcaktoi, që të gjithë zyrtarët e inteligjencës të regjimit iranian duhet të dëbohen nga këto vende.

Sekretariati i Këshillit Kombëtar të Rezistencës së Iranit

Sondazh

Më shumë në këtë kategori: « Del FOTOJA, kjo është nusja nga Tirana, nënë e një fëmije 5-muajsh që vrau vjehrrën dhe u rrëfye te hoxha
Kush është NARI, administratori i Farkës të cilit iu mbyll RESTORANTI në Lundër (DOKUMENTET) »
Article Logic
Execution time: 0.043127059936523
array(1) { ["section"]=> string(68) "alarmi-i-muxhahedineve-ne-shqiperi-po-komplotohet-kunder-nesh-113257" }