Arta Marku ultimatum prokurorëve nga Korça: Hetoni këto çështje, janë me rrezikshmëri të theksuar

Publikuar tek: aktualitet, më 13:03 13-02-2018 Arta Marku ultimatum prokurorëve nga Korça: Hetoni këto çështje, janë me rrezikshmëri të theksuar

Kryeprokurorja e Përgjithshme e Përkohshme, Arta Marku ditën e sotme është ndalur në Prokurorinë e Korçës. Në takimin për analizën e punës, Marku u kërkoi prokurorëve që të jenë më të fokusuar në çështjet me rrezikshmëri të theksuar dhe sensitive për rrethin Korçë.

“Nxisim aplikimin e Marrëveshjes dhe Urdhërit Penal, me qëllim që prokurorët të jenë më të angazhuar dhe fokusuar tek hetimi i veprave penale me rrezikshmëri të theksuar dhe sensitive për rrethin Korçë.

Mbeshtesim prokurorët për hetime në lëndën e korrupsionit.

Kjo të bëhet duke kërkuar dhe mbështetur forma të reja bashkëpunimi me policinë gjyqësore, agjencitë e tjera në Korçë, si Shërbimi Informativ Shtetëror (SHISH), etj. dhe tërheqja e qytetarëve në luftën kundër korrupsionit.

Perkrahim hetime më të thelluara në luftën kundër drogës, ku megjithë suksesin e arritur, e bën të domosdoshme që prokuroria të mos mbetet vetëm me goditjen e shpërndarësve të lëndëve narkotike, por të identifikojë dhe vendosë përpara përgjegjësisë penale grosistët, grupet që financojnë dhe organizojnë kultivimin e lëndëve narkotike, trafikimin etj.

Mbeshtesim fuqimisht prokurorët për të identifikuar shkelje të ligjit dhe regjistrimin e veprave penale kryesisht sidomos në mënyrën e ushtrimit të pushtetit nga nëpunësit publikë; nëse ushtrimi i pushtetit është në interes publik apo përdoret nga nëpunësit si një formë për të nxjerrë përfitime të paligjshme të çdo lloji.

Nxisim analiza të përbashkëta me organet tatimore dhe doganore për të identifikuar shkelje të ligjit në këto fusha nëse ka, pasi siç del nga raporti për vitin 2017 ka vetëm një kallëzim nga këto organe”, u shpreh Marku.

Më herët, kryeprokurorja ka udhëtuar edhe drejt Elbasanit, Shkodrës, Fierit, Vlorës etj.

Më shumë në këtë kategori: « Bashkia e Tiranës marrëveshje me agjencinë e ujësjellës-kanalizimeve për përmirësimin e sistemit
Plagosje në Shkodër, i riu i fut thikën bashkëmoshatarit (EMRI) »
Article Logic
Execution time: 0.0036230087280273
array(1) { ["section"]=> string(102) "arta-marku-ultimatum-prokuroreve-nga-korca-hetoni-keto-ceshtje-jane-me-rrezikshmeri-te-theksuar-110107" }