Shpërthen politologu Afrim Krasniqi: Krim shtetëror në Durrës, reagoni sa s’është vonë

Publikuar tek: analiza-komente, më 13:02 15-02-2017 Shpërthen politologu Afrim Krasniqi: Krim shtetëror në Durrës, reagoni sa s’është vonë

Nga Afrim Krasniqi

E ka ditur Kryetari i Bashkisë, e ka ditur Këshilli Bashkiak, e ka ditur Ministria dhe instituti përgjegjës, e kanë ditur zyrtarë të bashkisë dhe të administratës, e ka ditur firma ndërtuese dhe projektuesi, e kanë ditur të gjithë, sepse është zonë e mbrojtur me ligj prej vitit 1961....dhe pa droje profesionale, pa frikën e ligjit, pa sens përgjegjësie dhe pa vetëdije minimale qytetarie ATA kanë heshtur, kanë refuzuar ligjin dhe realitetin, kanë injoruar faktet dhe historinë dhe i kanë mbuluar ato me beton.

Aty ku dikur ishte selia e Princ Wied, i vetmi shtetar perëndimor në historinë e Shqipërisë, janë vendosur pilota 10-15 metra të thellë, cilësi e larte betoni për të murosur gjithçka historike, pasion për të zhdukur çdo mbetje qytetërimi, nxitim për të mbyllur gojët përpara faktit të kryer duke u fshehur pas imunitetit politik, mbipushtetit politik, kërcënimit ndaj kritikëve dhe injorimit tërësisht të atyre pak zërave të arsyeshem që ende kanë mbetur në këtë vend. Romakët e bënë Durrësin kryeqender në tokën tonë, në bizant e më vonë Durrësi ishte dhe mbeti porti i parë i takimit të dy kulturave/botëve, Princ Ëied e bëri kryeqendër të monarkisë perëndimore për Shqipërinë, kurse këta sot, një produkt betoni e betonizimi, njerëz anonime që morën postet e pushtetin përmes klientelës dhe shërbimit ndaj shefave politikë, po e kthejnë Durrësin e lashtë, Durrësin e historisë, Durrësin e portit dhe të turizmit, të universitetit dhe të teatrit, - në një qytet pa zë, pa fytyrë, pa emër, pa identitet, pa histori dhe pa të ardhme.

Imagjinoni ku ka përfunduar qyteti i dinastisë së Topiajve dhe Moisive, imagjinoni kur modeli i betonit në Durrës na paraqitet si model frymëzues, imagjinoni të jeni qytetar i Durrësit dhe të shikoni dita ditës sesi gjithçka keni po bunkerizohet, imagjinoni të jeni deputet i Durrësit dhe të pajtoheni me të keqen, imagjinoni të jeni intelektural i Durrësit dhe të ndjeheni të kërcënuar e te varur nga bota e betonit, imagjinoni të jeni turist në Durrës dhe në vend të historisë të mbeteni për të vizituar vetëm kullat e larta të tranzicionit...!!! Si është e mundur që interesi privat (tenderi për Velierën Durrës) rezulton se eshtë më i rëndësishëm sesa interesi publik, historik, shtetëror, qytetar, mediatik, civil dhe kombëtar? Kaq poshtë kemi rënë? Gjithçka e ka një limit. Në një vend normal do të duhej që zyrtarët pergjegjës të ishin sot në radhë përpara derës së prokurorit, do duhej që punimet të ndërpriteshin menjeherë dhe që punonjësit e komunales të zëvendësohen nga ekspertë të arkeologjisë, do duhej që media te nisë ditën me raportimet nga krimi shtetëror në Durrës dhe do duhej që Durrësi të ishte axhendë emergjente debati e vendimmarrje në këshillin bashkiak, prefekturë, qark, qeveri dhe parlament. Do të duhej.....:((((

Article Logic
Execution time: 0.0024230480194092
array(1) { ["section"]=> string(13) "article-68799" }