Shqiptarët braktisin anglishten? E dhëna e re që tregon se cilën gjuhë të huaj po mësojnë

Publikuar tek: aktualitet, më 20:03 10-03-2017 Shqiptarët braktisin anglishten? E dhëna e re që tregon se cilën gjuhë të huaj po mësojnë

Në dy dekadat e fundit shqiptarët janë orientuar drejt mësimit të gjuhës angleze për shkak të globalizmit, studimeve apo shkëmbimeve tregtare.

Por, realiteti i ri në Europë dhe fuqizimi i jashtëzakonshëm i Gjermanisë po ndikon që anglishtja të zëvendësohet në Shqipëri nga gjermanishtja. Këto janë të dhënat që publikon faqja “Duolingo”, e cila ka 120 milionë përdorues nga të gjitha vendet e botës, përfshirë vendin tonë, raporton Newsbomb.al.

Shqipëria nuk është shteti i vetëm ku përdoruesit e kësaj faqeje po mësojnë më së shumti gjermanisht, pasi një trend i tillë ekziston në të gjithë Ballkanin, përveç Greqisë. Bullgaria, Maqedonia, Serbia, Mali i Zi, Bosnje Hercegovina, Kroacia dhe Sllovenia janë të gjitha vende ku gjermanishtja po mbizotëron si gjuhë e huaj e parë.

Kjo vëmendje e re e ballkanasve për gjermanishten lidhet kryesisht me emigrimin drejt Gjermanisë, i cili vitet e fundit po rritet me shpejtësi. Emigrimi drejt Zvicrës dhe Austrisë, dy vende të tjera gjermanisht-folëse, është gjithashtu një tjetër arsyeje e fortë, pa përjashtuar lidhjet historike dhe kulturore.

Anglishtja rikthehet te shqiptarët si gjuha e dytë e huaj të cilën po mësojnë, por kjo nuk ndodh me vendet e tjera në Ballkan, raporton Newsbomb.al. Malazezët dhe kroatët pas gjermanishtes i kushtojnë më shumë vëmendje italishtes, ndërsa në Greqi, Bullgari, Maqedoni, Serbi, Bosnje dhe Slloveni dominon spanishtja.

Gjithsesi, në rang ndërkombëtar është anglishtja ajo që preferohet më shumë si gjuhë e huaj e parë, e ndjekur nga frengjishtja dhe spanjishtja. 

Screenshot_6.jpg

*Gjuha e huaj e parë

Screenshot_7.jpg

*Gjuha e huaj e dytë

Article Logic
Execution time: 0.02056622505188
array(1) { ["section"]=> string(13) "article-71495" }