Kthimi i Artan Lames, drithëruese ajo çfarë shkruan drejtori i Ramës

Publikuar tek: fcb-bomb, më 14:03 18-03-2017 Kthimi i Artan Lames, drithëruese ajo çfarë shkruan drejtori i Ramës

Drejtori i ALUIZNI-t, Artan Lame sot kujton një ditë të rëndësishme që ai e quan “kthim”. Si sot një vit më parë, Lame iu nënshtrua një ndërhyrhjeje të vështirë që e rikthehu në jetë.

Përmes këtij refleksioni të shkurtër e prekës ai i thotë të gjitha çfarë ka përjetuar e përjeton pas atij momenti. Të gjithën, Lame e shoqëron edhe me foton e mëpsoshtme.

“KTHIM

Miq,
Sot mbush vitin që prej ditës kur vendosa të qëndroj ende këtu, në këtë pjesëz tokësore të Pafundësisë. Në këto 365 ditë, ende s’i kam dhënë dot përgjigje pyetjes në dukje shumë të thjeshtë: I kujt qe vullneti që të kthehesha sërisht? Ndoshta Universi është organizuar në një të atillë mënyrë, që ca pyetjeve të mos mundemi kurrë t’u japim udhë. Dhe përmes këtij mundimi drejt njohjes, kalon edhe e gjithë përpjekja për të mirën.

Shumë nga gjërat që premtova t’i bëj që atëhere, ndoshta nuk i kam bërë, paçka se e kisha shpirtin të zhveshur në eter. 
Por zemra e mishtë që përleshej mes bisturish të çelikta, më bën sot t’ju kujtoj të gjithëve se sa i hollë është tehu që ndan atë se ku do jemi, këtej apo andej. Eshtë aq i hollë, sa nuk ja vlen ta mprehim edhe më tej atë me pakujdesitë tona të zhurmës së përditshme. 
I thashë, më tha, s’i flas, do t’i bëj këtë, i keqi, do ta zhduk, ja ngeca, do ta marr, se jap, t’ia marrim, ta prishim, s’dua, se bëj, s’ma bën, e plot e plot të tjera ankthe, me të cepat e theptë të të cilëve gërricim ditët tona. Jua thotë këtë dikush që e pa atë teh, e jo veç e pa, por edhe e ndjeu në mish të vet.

Ky vit që shkoi, më ka bindur edhe më tej në dobinë e dhënies. Universi është shumë i pafund për të patur kohë ta marrim të gjithin brenda vetes, edhe në qofshim aq të pangour. Ndaj e vetmja mënyrë për të marrë diçka më shumë, është të japim. E kam thënë, s’ka rëndësi çfarë: panem, amor, vitam...
A.”

llllllllll.jpg

Article Logic
Execution time: 0.019861936569214
array(1) { ["section"]=> string(13) "article-72362" }