Turizmi shëndetësor në Shqipëri, shtetas të huaj rendin drejt vendit tonë. Mediat japin ALARMIN për ndërhyrjet plastike

Publikuar tek: ekonomi, më 10:04 21-04-2017 Turizmi shëndetësor në Shqipëri, shtetas të huaj rendin drejt vendit tonë. Mediat japin ALARMIN për ndërhyrjet plastike

Sipas të dhënave të INSTAT, në tre muajt e parë të këtij viti kanë ardhur në Shqipëri 180 shtetas të huaj pikërisht për turizmin shëndetësor, që pati një rritje prej 22% në krahasim me të njëjtën periudhë të vitit të kaluar. Vetëm në mars, numri i tyre u dyfishua.

Ndërsa vitin e kaluar në Shqipëri erdhën gjithsej për turizëm shëndetësor 663 të huaj. Vitet e fundit vendet e rajonit (Serbia, Kroacia, Mali i Zi, Maqedonia) përfshirë Shqipërinë janë vënë në një garë të fortë për këtë lloj turizmi.

Sipas studimeve, personat e gatshëm për të udhëtuar për shërbimet dentare apo trajtimet estetike kanë si kriter parësor për vendimin e tyre cilësinë e lartë të shërbimit, koston e ulët dhe pajisje me teknologji të përparuara.

Drejtuesit e klinikave më të mëdha të stomatologjisë në kryeqytet tregojnë se pacientët e tyre kanë mbetur të kënaqur me raportin cilësi-çmim dhe kanë sjellë edhe të afërmit për trajtime. Në krahasim edhe me vendet e rajonit të Ballkanit, çmimet e shërbimeve në Shqipëri janë dukshëm më të ulëta, shkruan Monitor.

Numri i lartë i italianëve që vijnë në Shqipëri për qëllime dentare ka “alarmuar” dhe konkurrentët italianë, të cilët përmes shoqatës së tyre, i janë drejtuar disa herë shtetit për t’i propozuat një plan mesash. Ilfattoquotidinato.it, në një shkrim të para pak kohëve e quan Shqipërinë “atdheun e turizmit dentar me kosto të ulët”.

Një destinacion tjetër është dhe ai i turizmit estetik dhe ndërhyrjeve plastike. Por, ai mbetet ende i pazhvilluar dhe i pakontrolluar dhe mediat e huaja kanë dhënë shpesh alarmin për rrezikun e tij. 

Article Logic
Execution time: 0.00229811668396
array(1) { ["section"]=> string(13) "article-75928" }