“Reforma në energji transformoi OSHEE-në”, Rama: "Nga ushtri militantësh u kthye në kompani moderne"

Publikuar tek: ekonomi, më 08:05 02-05-2017 “Reforma në energji transformoi OSHEE-në”, Rama:

Kryeministri Edi Rama ka inspektuar ditën e djeshme punimet në linjën elektrike Lanabregas–nënstacioni i Pallatit te Kongreseve.

Kryeministri nënvizoi rëndësinë e heqjes së fashave  mbrojtëse në çmimin e energjisë, dhe u shpreh se OSHEE po kthehet nga një ushtri militantësh në një strukturë që ofron shërbime moderne.

“Me punonjësit e Brigadës së Tensionit të Lartë në OSHEE gjatë punës për remontin e linjës Lanabregas–nënstacioni i Pallatit te Kongreseve, një nyje kyçe e rrjetit të Tiranës e ndërtuar në vitin 1984 dhe ku s'është vënë dorë për aq shumë vite. Falë rezultateve të reformës në energji dhe kontributit të përbashkët të qytetarëve, kemi filluar investime të mëdha për të rilindur një pjesë të madhe të rrjetit që ka mbetur pa asnjë investim nga koha e elektrifikimit.

Falë refomës në energji që bëri të mundur transformimin e OSHEE nga një gropë e financave publike në kontributore me të ardhura në buxhetin e shtetit, sot për të gjitha familjet në nevojë, kompensojmë plotësisht të gjithë diferencën pas heqjes së fashës mbrojtëse, në vlerën e 19 milionë dollarëve në vit.

Janë bërë zerime kamat vonesash masivisht, për të gjithë ata që kanë vijuar të paguajnë rregullisht detyrimet e prapambetura.

Akoma më shumë mbetet për të bërë. Kompania duhet të vazhdojë të përmirësojë standardet dhe të gjitha nivelet e trajtimit të punonjësve në funksion të përmirësimit të cilësisë. Dhe transformimin e këtyre 3 viteve nga një ushtri militantësh në një kompani moderne duhet ta vijojë më tej akoma më shumë, për të qenë një nga krenaritë e mëdha të sipërmarrjes shqiptare”, u shpreh Rama.

Article Logic
Execution time: 0.0023288726806641
array(1) { ["section"]=> string(13) "article-77146" }