"Babai" me të madhin Reshat Arbana mrekullon Elbasanin, rekord për shitjen e biletave

Publikuar tek: kulture-art, më 14:11 13-11-2017

Premiera e shfaqjes “Babai” mbrëmjen e së shtunës në teatrin “Skampa” të Elbasanit, ka emocionuar të gjithë publikun e Elbasanit.

Shfaqja e vënë në skenë nga regjizori Spiro Duni dhe me interpretimin e një kasti të shkëlqyer aktorësh ka tërhequr interesin e elbasanasve si rrallë herë më parë.

Interpretimi brilant i aktorit të madh Reshat Arbana ka mbajtur në këmbë për një kohë rekord publikun elbasanas, duke arritur që të emocionojë edhe vetë aktorin Arbana, i cili në një moment u pa i përlotur në skenë.

Kjo shfaqje ka shënuar një rekord për teatrin e Elbasanit, pasi në dy netët e para janë shitur më shumë se 600 bileta.

Ndërkohë shfaqja do të vazhdojë deri në datën 19 nëntor dhe rezervimet për netët e ardhshme janë në nivelet maksimale, si kurrë më parë në këtë teatër.

Nga organizatorët në Elbasan, shfaqja “Babai” është konsideruar si “shfaqja e vitit”.

Screenshot_13.jpg

Screenshot_14.jpg

Article Logic
Execution time: 0.019842863082886
array(1) { ["section"]=> string(88) "babai-me-te-madhin-reshat-arbana-mrekullon-elbasanin-rekord-per-shitjen-e-biletave-99403" }