Basketbollistja e njohur shkodrane kërkesë DIREKTE Ramës: Firmose PENSIONIN

Publikuar tek: sport, më 14:46 08-03-2018 Basketbollistja e njohur shkodrane kërkesë DIREKTE Ramës: Firmose PENSIONIN

Basketbollistja e njohur shkodrane Xhuli Shestani e konsideruar “Flutura e ekipit” të Vllaznisë, kërkon që qeveria të shohë sa më shpejt procedurën për t’u dhënë pensionin e posaçëm të gjithë atyre që kanë kontribuar me breza për rritjen e basketbollit.

Në një transmetim live në Radio Shkodra në intervistë me gazetarin Gasper Marku, pasi u përmendën titujt e shumtë si “Mjeshtre e sportit”, titullin “naim Frashëri” klasi i tretë, Mjeshtre e merituar, “mirënjohje” nga Federata dhe Mjeshtre e madhe nga Presidenti në 2008, Shestani kërkoi vlerësimin që duhet, pas përmbushjes së të gjithë dokumentacionit.

“Pretendojmë që kryeministri të firmosë pensionin e veçantë. Dokumentet janë dërguar, por ndoshta kërkohet një shtysë e vogël. E kam pritur por deri tani nuk është bërë gjë. Marrëdhëniet me kryeministrin I kemi të mira. Por deri tani nuk kemi pasur ndonjë takim të veçantë” tha Xhuli Shestani live në Radio Shkodra.

Ndërkohë, pyetjes së drejtuar nga NEWSPORT.AL sesi e sheh basketbollin shqiptar sot dhe gjetjen e talenteve të reja, Xhuli Shestani i përgjigjet:

“Basketbolli shqiptar kja arritje sidomos nga ana teknike, por talente ka. Por për mendimin tim kam një sugjerim që ekipet janë duke marrë të huaj dhe talentet tona janë duke u zbehur. Në një kohë kur të vijne amerikanë apo të tjerë… ekiper kanë nga tre katër të huaj, edhe talentet shqiptarë zbehen. Kur lojtari nuk luan, kjo e frenon elementin. Këto lojtarët e huaj paguhen më shumë se lojtarët shqiptarë. Dhe sidomos në Shkodër nuk ka fonde. Për çdo vit, ulen fondet për basketbollin.

Vajzat vijnë dhe ikin. Dhe ndoshta do të duhet të shihen të gjitha këto. Denada Rreshpja, psh që është talent shkodrane, iku te Tirana, që ka një të ardhme shumë të mirë. Elona Borania, edhe kjo në Shkodër dhe ka kaluar te Tirana…Dhe luajnë me kombëtaren. Por mungesa e fondeve dhe buxheti pengon zhvillimin e sportit” tha Xhuli Shestani.

Sot, Xhuli Shestani, “Flutura e Vllaznisë”, drejton ekipin e të rejave të këtij qyteti. Sheh se ka potenciale dhe punohet fort. Vjen nga një ndeshje më e fundit në Durrës, ku ka pasur një rezultat epik, të panjohur më parë 113 me 9 për Shkodrën. “Ka qytete që nuk kanë ekipe” tha Xhuli Shestani në transmetimin live, duke nënkuptuar performancën e ekipit durrsak.

Në këtë datë të 8 marsit, përshëndeti koleget e veta basketbolliste me të cilat ka luajtur, Artenca Tufën, Xhane Gegën, Izabela Gerën apo edhe Rozi Ukja, Lymnie Sukja, Moza Likja, Mira Cungun, Myfarete Borshin, Silva Krajën e shumë gra të tjera, që dikur kanë bërë histori me Vllazninë në basketboll për femra.

Sondazh

Më shumë në këtë kategori: « Juventus mposht Tottenham dhe shkon në çerekfinalen e ‘Champions’
»
Article Logic
Execution time: 0.0041980743408203
array(1) { ["section"]=> string(81) "basketbollistja-e-njohur-shkodrane-kerkese-direkte-rames-firmose-pensionin-112603" }