Berisha: Dy drejtorët e Policisë së Shtetit, Pata dhe Ahmeti, drejtonin trafikun e drogës

Publikuar tek: politike, më 22:02 13-03-2015 Berisha: Dy drejtorët e Policisë së Shtetit, Pata dhe Ahmeti, drejtonin trafikun e drogës

Ish kryeministri Sali Berisha ka akuzuar sot dy drejtorët e Policisë së Shtetit, Albert Pata dhe Alban Ahmeti si përsona të përfshirë në trafikun e drogës.

Me anë të një postimi në Facebook , Berisha shprehet se Albert Pata, Drejtor i Forcës së Posaçme Operacionale në Departamentin e Luftës Kundër Krimit të Organizuar dhe Krimeve të Rënda ishte direkt i përfshirë në trafikun e lëndëve narkotike nga Lazarati në drejtim të Italisë dhe Greqisë.

“Dy drejtorët e drejtorisë operacionale të Policisë së Shtetit, drejtorisë më të rëndesishme të Policisë, Albert Pata dhe pasardhësi i tij Alban Ahmeti të përfshirë në trafikun e canabisit dhe kokainës. Kështu, rreth 16 muaj më pare Albert Pata u emërua Drejtor i Forcës së Posaçme Operacionale në Departamentin e Luftës Kundër Krimit të Organizuar dhe Krimeve të Rënda. Atij menjehere iu dhurua grada Drejtues i Parë fal kontributit të tij financiar dhe politik Tnumërues i Partisë Socialiste në zgjedhjet e vitit 2013). Në muajin mars të vitit 2014 mbi bazën e informacioneve të ardhura nga Prokuroria e Krimeve të Rënda, Sherbimet inteligjente dhe nga Autoritet ligjzbatuese Italiane, provohet se drejtuesi i kësaj njësie speciale, e cila mbulon vëzhgimin, përgjimin dhe agjent nën mbulim, ishte direkt i perfshirë në trafikun e lëndëve narkotike nga Lazarati në drejtim të Italisë dhe Greqisë”, shkruan Berisha në Facebook.

“Ndërmjetës i tij me grupet e trafikut të drogës në jug ishte Seresi, oficeri dhe shoferi superpotent, miku i ngushtë i Sajmir Tahirit që u arrestua tek transportonte rreth 1 ton drogë. Në momentin e arrestimit të tij nga policia e Gjirokastrës, Didi telefonoi në drejtorinë e policisë të këtij qarku. Ai nuk kërkoi direkt lirimin e tij por iu tha atyre se ministri do merzitet shumë nga arrestimi i Serezit. Pata, që duhet të procedohej, mori vetëm largimin nga drejtor për të vazhduar punën në një detyrë tjetër. Në vend të tij u emërua drejtor i njësisë, Alban Ahmetaj, edhe ky i përjashtuar nga forcat e Policisë në vitin 2006, rikthehet në kundërshtim me ligjin në tetor të vitit 2013 për të vetmen arsye se ishte kontribues financiar dhe pjesmarrës direkt në strukturat e Partisë Socialiste, emërohet në detyrën e Shefit të Komisariatit nr. 4 duke iu dhuruar grada, në kundërshtim me ligjin për Policinë e Shtetit dhe VKM për gradat. Në mars të 2014 si lidhje direkte e Tahirit dhe Didit, emërohet Drejtor i Forcës së Posaçme Operacionale në Departamentin e Luftës Kundër Krimit të Organizuar dhe Krimeve të Rënda dhe i jepet grada Drejtues i Parë në kundërshtim me ligjin.

Në muajin mars të vitit 2015 Drejtori i Përgjithshëm e largon nga kjo detyrë pasi ishtei implikuar drejtpërdrejt në trafikun e lëndëve narkotike me punonjësin e policisë Hamza Demushaj. Para infiltrimit te Hamzës shefi i tij kundërshton vendimin e infiltrimit dhe kërkon verifikimin e tij. Të nesërmen shefi degdiset në periferi të Shqipërisë, kurse Hamza, tashmë oficer i infiltruar, fillon punën për vete dhe drejtorin e tij, Alban Ahmetaj dy muaj para këtij skandali ishte nën hetim nga Njësia Taks-Forcë pranë Prokurorisë Rethit Gjyqësor Tiranë për veprën penale të korrupsionit (për marrje rrushfeti për punonjësit e policisë për emërime).

Por Pata dhe Ahmeti janë vetëm oficerë. në shërbim të shefave të tyre, baronëve të drogës në krye të mazhorancës të qelbësirave”, shkruan ish kryeministri.

Sondazh

Më shumë në këtë kategori: « Basha: Protesta mbarëpopullore për dorëheqjen e Ilir Metës
Rama uron për Ditën e Verës: Mirësi e besim tek e mira në të ardhmen »
Article Logic
Execution time: 0.014853954315186
array(1) { ["section"]=> string(91) "berisha-dy-drejtoret-e-policise-se-shtetit-pata-dhe-ahmeti-drejtonin-trafikun-e-droges-5831" }