Bien ndjeshëm investimet e huaja, qeveria duhet të gjejë një zgjidhje

Publikuar tek: ekonomi, më 10:36 16-08-2016 Bien ndjeshëm investimet e huaja, qeveria duhet të gjejë një zgjidhje

Investimet e huaja kanë pësuar një rënie të ndjeshme prej 42% gjatë tremujorit të parë të vitit, por dhe tre mujori i dytë nuk premton.

Një nga investitorët më të mëdhenj të huaj, Bankers Petroleum,  ka deklaruar se shpenzimet kapitale në 6 muajt e parë të vitit ishin 20 milionë dollarë, nga 87.5 milionë dollarë në të njëjtën periudhë të një viti më parë.

 Sidomos në tremujorin e dytë, Bankers ka investuar vetëm 7.3 milionë dollarë, nga 37.5 milionë dollarë në të njëjtën periudhë të një viti më parë. Kompania njoftoi se nuk shpoi asnjë pus të ri gjatë këtij tremujori.

Dy vitet e fundit (2014-2015), investimet në hidrokarbure (kryesisht Bankers) përbënin rreth 40% të totalit të investimeve të huaja.  Për krahasim, në janar-qershor 2014, investimet kapitale të Bankers ishin 132 milionë dollarë, apo mëse 6 herë më të larta se në të njëjtën periudhë 2016.

Frenimi i Bankers pritet të lërë  zbuluar një pjesë të rëndësishme të investimeve të huaja dhe të zbehë shpresat e qeverisë për një hyrje të kapitalit në vend, teksa sipërmarrjet e reja të mëdha me kapital të huaj po mungojnë.

Edhe pse u hapën 694 sipërmarrje të reja me pronarë të huaj, sipas INSTAT, 507 kishin më pak se 4 punonjës, apo 73% e tyre, duke qenë kryesisht biznese të vogla që nuk sjellin investime të mëdha.

 Vetëm 43 sipërmarrje të reja të huaja që kanë mbi 50 punonjës janë hapur vitin e kaluar. Pjesa më e madhe e ndërmarrje të huaja janë italiane, kryesisht call center, që duan një kapital minimal për t’u hapur.

Taksat më të larta në rajon, mungesa e incentivave, klima e rënduar e investitorëve aktuale, janë disa nga arsyet që po mbajnë larg investitorët e huaj.

Sipas të dhënave nga Banka e Shqipërisë, investimet e huaja ishin 152 milionë euro në tremujorin e parë, nga 261 milionë euro në janar-mars 2015 dhe 222 milionë euro në tremujorin e parë 2014, .

Shtesa e kapitalit të bankave, një tjetër element që nxiti investimet në 2015-n, ishte gati 50% më e ulët në gjashtëmujorin e parë 2016, në raport me të njëjtën periudhë të vitit të kaluar, sipas statistikave të pasiveve të sistemit, të publikuara nga Banka e Shqipërisë (8 miliardë lekë, nga 15.3 mld lekë që ishte shtesa në janar-qershor 2015).

Licenca celulare, që i dhanë hov investimeve të huaja në gjysmën e parë të 2015-s, nuk janë dhënë në muajt e parë të këtij viti, raporton Monitor.

Ndërkohë, shpresa e vetme për qeverinë mbeten dy investimet e mëdha strategjike si gazsjellësi TAP dhe HEC-i i Devollit.

Sondazh

Article Logic
Execution time: 0.019816160202026
array(1) { ["section"]=> string(74) "bien-ndjeshem-investimet-e-huaja-qeveria-duhet-te-gjeje-nje-zgjidhje-49873" }