Blendi Klosi në SHBA, takohet me zyrtarët amerikanë

Publikuar tek: politike, më 19:51 25-03-2016 Blendi Klosi në SHBA, takohet me zyrtarët amerikanë

Në datat 24-25 mars 2016, Ministri i Mirëqenies Sociale dhe Rinisë, z. Blendi Klosi zhvilloi një vizitë punë në Uashington DC. Gjatë kësaj vizite Ministri Klosi zhvilloi takime në Departamentin e Shtetit, në Departamentin e Punës si dhe në Bankën Botërore.

Ministri i Mirëqenies Sociale Blendi Klosi u prit në takim nga Drejtori i Zyrës për Çështjet e Evropës Jugore dhe Qendrore Tom Yazdgerdi. Z. Yazdgerdi përshëndeti reformat e ndërmarra nga Ministria e Mirëqenies Sociale dhe Rinisë për mbrojtjen e shtresave vunerable, komunitetin rom, politikat rinore dhe barazinë gjinore. Nga bashkëbiseduesit, Shqipëria u cilësua histori suksesi për respektimin e kuotave gjinore, në një pjesë të konsiderueshme të institucioneve vendimarrëse, me prirjen për të patur përfaqësim të barabartë në të gjithë nivelet e vendimarrjes. Z. Yazdgerdi vlerësoi gjithashtu rolin e lidershipit në rajon të Shqipërisë në fushën e rinisë, sikundër u vlerësua prej tij vëmendja e shtuar ndaj shtresës së ish të persekutuarve dhe përndjekurve politikë të regjimit komunist. Në takim u diskutua edhe kriza e refugjatëve nga Lindja e Mesme dhe Afrika Veriore, ku prej disa muajsh është prekur edhe Ballkani. Ministri Klosi deklaroi se Shqipëria as nuk i hap e as nuk i mbyll kufijtë, por është në koordinim të plotë dhe në të njëjtën linjë me Bashkimin Evropian dhe partnerët europianë. Në Departamentin e Shtetit Ministri Klosi u takua me Zëvendës Ndihmës Sekretarin e Shtetit për të Drejtat e Njeriut, Demokracinë dhe Punën, z. Phil Kaplan.

Gjatë këtij takimi z. Klosi bëri një ekspoze të punës së Ministrisë së Mirëqenies Sociale dhe Rinisë duke u ndalur veçanërisht në çështjet që lidhen me komunitetin rom në Shqipëri. Ministri Klosi u shpreh se dikasteri që ai drejton po punon për të koordinuar punën me të gjitha strukturat qeveritare që janë të përfshira në zgjidhjen e problemeve që has komuniteti rom dhe se një nga synimi i qeverisë është dhe punësimi i anëtarëve të këtij komuniteti. Më pas Ministri Klosi foli dhe për zhvillimet më të fundit në lidhje me mbrojtjen dhe respektimin e të drejtave të komunitetit LGBT, duke nënvizuar përmirësimin e gjendjes në Shqipëri në lidhje me pranimin e këtij komuniteti, sidomos gjatë tri viteve të fundit. Sa i përket gjendjes së të drejtave të njeriut në vend Ministri Klosi theksoi se gjatë 25 viteve të fundit janë bërë përparime të jashtëzakonshme, por Shqipëria ka ende punë për të bërë në këtë drejtim.

Nga ana e tij, z. Kaplan vlerësoi arritjet e Shqipërisë në fushat e përmendura nga Ministri Klosi, duke shprehur interesin për ekspozimin e Shqipërisë nga kriza e refugjatëve në Evropë. Në përgjigje të këtij interesimi, Ministri Klosi tha se deri më tani Shqipëria nuk është në rrugën e tranzitit të refugjatëve që kërkojnë të arrijnë në BE, por se vendi ynë gjithsesi është duke marr masat. Sa i përket qëndrimit të Shqipërisë në lidhje me krizën, Ministri Klosi theksoi se ai është i njëjtë me qëndrimin e BE-së. Ministri Klosi zhvilloi gjithashtu dhe një takim me znj. Judith Heumann, Këshilltare e posaçme për të drejtat e personave me aftësi të kufizuara. Gjatë këtij takimi Ministri i njohu të pranishmit me zhvillimet më të fundit dhe vështirësitë e hasura në lidhje mbrojtjen e të drejtave të personave me aftësi të kufizuara. Ai theksoi se megjithëse pagesat kanë filluar të shpërndahen rregullisht, pengesë është hasur për shkak të mungesës së bazës së të dhënave për personat që kanë përfituar në të shkuarën. Ministri Klosi e njohu znj. Heumann me Planin e Veprimit për këtë kategori që pritet të miratohet nga Këshilli i Ministrave së shpejti, si dhe me planin për punësimin e tyre.

Sondazh

Më shumë në këtë kategori: « Mesila Doda shpërthen ndaj kolegëve: Laca lagjesh, kjo është tradhëtia e fundit
Akuzat se Erdogan mbështet terroristët dhe si u përpoq Rama të mbajë sekret takimin urgjent në Jordani »
Article Logic
Execution time: 0.019298076629639
array(1) { ["section"]=> string(56) "blendi-klosi-ne-shba-takohet-me-zyrtaret-amerikane-36016" }