‘Bularati’, Ditmir Bushati: Të mos biem në kurthin e esktremistëve, policia dhe prokuroria të bëjnë detyrën

Publikuar tek: aktualitet, më 14:01 09-11-2018 ‘Bularati’, Ditmir Bushati: Të mos biem në kurthin e esktremistëve, policia dhe prokuroria të bëjnë detyrën

Ministri i Jashtëm Ditmir Bushati reagon sërish për ngjarjen në Bularat. Përmes një deklarate shpërndarë për mediat Bushati shprehet se shpreson që prokuroria, policia, organet hetimore ta thonë fjalën e tyre me profesionalizëm.

“Një gjë e dimë të gjithë që po vure dorën mbi polici, kudo qofsh nga demokracitë më të zhvilluara, vendet më problematike, dihet se cili duhet të jetë reagimi dhe përgjigja e forcave të rendit”, shprehet Bushati.

Reagimi i plotë:

Besoj se nga pikëpamja e detyrave shtetërore ne i kemi kryer ato detyra nji më nji dhe për incidentin fatkeq në Bularat. Shpresoj shumë që prokuroria, policia, organet hetimore ta thonë fjalën e tyre me profesionalizëm dhe ne ti krijojmë mundësi që ata të shprehen me profesionalizëm për çka ka ndodhur në Bularat, për rrethanat e humbjes së jetës.

Një gjë e dimë të gjithë që po vure dorën mbi polici,kudo qofsh nga demokracitë më të zhvilluara, vendet më problematike, dihet se cili duhet të jetë reagimi dhe përgjigja e forcave të rendit. Së dyti, nëse i referohemi ngjarjes së djeshme ku pamë një shpërfaqje të një ekstremizmi dhe parullave të cilat në thelb dëmtojnë miqësinë mes vendeve tona, mes Shqipërisë dhe Greqisë. Dhe në këtë pikë mund të them që shrpesoj që policia, forcat e rendit të bëjnë punën e tyre me seriozitetin maksimal dhe të gjithë ata njerëz të cilët kanë konsumuar akte të kundraligjshme të ndiqet rruga ligjore.

Detyra jonë është që të mos biem në kurthin që identifikojmë një grup ekstremistësh me popullin grek, i cili në ditë të vështira dhe në ditë të lumtura ka qenë aty krah për krah me ne.

Sondazh

Më shumë në këtë kategori: « Ngjarjet në Bularat, 57 persona shpallen 'NON GRATA'
Blloku “Vasil Shanto” me ndriçim LED »
Article Logic
Execution time: 0.01728892326355
array(1) { ["section"]=> string(109) "bularati-ditmir-bushati-te-mos-biem-ne-kurthin-e-esktremisteve-policia-dhe-prokuroria-te-bejne-detyren-140892" }