“Ç’të shohim, ata që na tregojnë si bëhet seks? Ç’idiotsira!” Shpërthen gjiganti Reshat Arbana

Publikuar tek: kulture-art, më 10:28 23-03-2017 “Ç’të shohim, ata që na tregojnë si bëhet seks? Ç’idiotsira!” Shpërthen gjiganti Reshat Arbana

Reagon aktori i madh Reshat Arbana pas debatit që ka pllakosur së fundmi për ndalimin e filmave të komunizmit në ekranet shqiptare. “Ç’të shohim, ata që na tregojnë si bëhet seks? Ç’idiotsira!, është shprehur aktori për Panoramën.

REAGIMI I PLOTË:

Kush nuk e ka parë apo do të refuzonte të shihte filma si “Kapedani”, “Dora e ngrohtë”, “Flutura në kabinën time”, “Hije që mbeten pas”, “Kur hapen dyert e jetës”, “Jeta në duart e tjetrit” e shumë e shumë filma të tjerë ku Reshat Arbana ka qenë, në mos personazhi kryesor, një ndër më të spikaturit. Nisur pikërisht nga kjo, nga fakti që njerëzit i njohin edhe batutat filmave të tij, gjëja e parë që na thotë është:

“Pse na pyesni ne, përgjigjja jonë, pak a shumë, dihet. Pyesni njerëzit e thjeshtë, ata që i shohin filmat përditë… një herë, pesë, dhjetë… Ky vend ka probleme aq të mëdha sa është vërtet e turpshme të merresh me diskutime të tilla. Pse nuk merren me gjëra të rëndësishme këta njerëz, por shpikin debate të kota që nuk i vlejnë askujt, për çfarë e bëjnë, për të çorientuar njerëzit?! Ku e kanë hallin? Çdo ditë po shohim në televizor lloj-lloj emisionesh të pavlera që nuk i hyjnë në punë askujt.

Debate pa interes për të mbushur orët. Çfarë duhet të shohim e të dëgjojmë tani ata njerëz që dalin e na tregojnë se si të bëjmë seks?! Se tani u bëka seks edhe treshe, edhe katërshe edhe me dhjetë vetë?! Çfarë janë këto idiotësira!? Nuk e meritojnë vëmendjen tonë këta njerëz, jo. Askujt nuk i bie ndër mend komunizmi, ç’është kjo frikë absurde që do të rikthehet. Unë kam bërë 40 filma në atë kohë, pa u paguar.

Sot marr para edhe vetëm për një rol, as që i krahasoj kohët. Nuk duhet abuzuar me këtë. Tani ngrihen ca të mençur që na japin mend”, përveç reagimit të parë të revoltuar të Arbanës, shtrohen edhe pyetja të tjera që ai vetë i ka ngritur. “Kush jemi ne? Nga vijmë? Këta duan të na lënë pa kujtime, pa dëshmorë, pa mite.

Nuk dua ta zgjas më këtë bisedë, sepse ju thashë që nuk meritojnë kaq shumë vëmendje, por dua ta mbyll duke cituar Skënder Luarasin që thotë: “E gjithë bota i krijon heronjtë nga balta, ndërsa ne i kemi dhe duam t’i fshijmë

Sondazh

Më shumë në këtë kategori: « Pas triumfit në Sanremo, Ermal Meta nis një tjetër rrugëtim... tashmë drejt Shqipërisë (VIDEO)
Nxënësit e “Turgut Ozal” dhurojnë spektakël në Kolegjin Turk (VIDEO) »
Article Logic
Execution time: 0.026113986968994
array(1) { ["section"]=> string(95) "c-te-shohim-ata-qe-na-tregojne-si-behet-seks-c-idiotsira-shperthen-gjiganti-reshat-arbana-72870" }