Çështja Kosovë-Serbi, Thaçi: Nëse nuk arrihet marrëveshja rajoni mund të destabilizohet

Publikuar tek: rajon, më 13:36 24-06-2019 Çështja Kosovë-Serbi, Thaçi: Nëse nuk arrihet marrëveshja rajoni mund të destabilizohet

Presidenti i Kosovës, Hashim Thaçi, ka deklaruar sot se rajoni mund të destabilizohet nëse nuk arrihet marrëveshja Kosovë-Serbi.

Në fjalën e tij hyrëse në konferencën “Zëri i Popullit rreth ‘Finales së Madhe’ ndërmjet Kosovës dhe Serbisë”, ai ka theksuar se përmbyllja e dialogut politik me Serbinë, me marrëveshjen ligjërisht obligative që nënkupton njohje reciproke, është interes nacional i Kosovës, prandaj është e domosdoshme që të jemi unikë në këtë proces.

“Ne duam që një herë e përgjithmonë ta qartësojmë raportin tonë si shtet me shtetin e Serbisë, gjë që mund të arrihet vetëm përmes një dialogu që do t’i ketë afatet kohore të qarta, objektivat precize, garancat dhe mbështetjen ndërkombëtare, në radhë të parë të SHBA-së dhe BE-së. Nuk kam kurrfarë dyshimi që nëse këtë vit nuk do ta bëjmë marrëveshjen ligjërisht detyruese në mes të Kosovës dhe Serbisë, do të hyjmë në një zonë të rrezikshme të këtyre raporteve, që mund ta destabilizojë gjithë rajonin”, ka thënë presidenti Thaçi, raporton lajmi.net.

Më tej kreu i shtetit ka shtuar se fatkeqësisht situata dhe zhvillimet e fundit nuk janë aspak premtuese dhe gjërat nuk po lëvizin fare.

“Përkundër iniciativave të fundit për ta zhbllokuar dialogun, rezultati është zero. Mungesa e dialogut dhe e perspektivës së arritjes së një marrëveshjeje për normalizimin e marrëdhënieve në mes të Kosovës dhe Serbisë është rreziku më i madh i mundshëm për sigurinë dhe stabilitetin e Kosovës”, ka thënë ai.

Sondazh

Article Logic
Execution time: 0.29771399497986
array(1) { ["section"]=> string(92) "ceshtja-kosove-serbi-thaci-nese-nuk-arrihet-marreveshja-rajoni-mund-te-destabilizohet-169528" }