“Clifford Chance” letër qeverisë: Asgjë nuk e lidh Metën me aferën e DIA

Publikuar tek: politike, më 13:45 27-01-2016 “Clifford Chance” letër qeverisë: Asgjë nuk e lidh Metën me aferën e DIA

Tim Shcreiber këshilltar i OSHEE në arbitrazhin kundër DIA-s, në cilësinë e përfaqësuesit të zyrës së avokatisë “Clifford Chance” i është drejtuar me anë të një letre ministrit të Energjisë, Damian Gjiknuri dhe drejtorit të OSHEE, Ardian Çela, ku i informon lidhur me procesin tashmë të mbyllur në gjykatën e arbitrazhit.

Kjo zyrë avokatie ka folur për herë të parë për përfshirjen e emrit të kreut të Kuvendit, Ilir Meta në veprimet korruptive të kompanisë DIA, duke e konsideruar si të pajustifikueshëm përdorimin e emrit të Ilir Metës nga eksponentë të mediave në Shqipëri.

Kokëfortësia e gënjeshtrave të prezantuara nga oponentët na detyruan ne të reagojmë theksohet në letër, duke sqaruar se nuk ekziston asnjë e dhënë që mund të lidh Metën me aferën e DIA-s.

“Kokëfortësia e gënjeshtrave të prezantuara nga oponentët na detyruan ne të reagojmë, por në të kundërt të asaj çka pala tjetër ka supozuar pas rrjedhjes së informacionit të vizitës tonë tek prokurorët në Tiranë, në tetor 2013, ne nuk kemi bërë asnjë akuzë të pagjetur. Në këtë dritë është për të ardhur keq që natyra jo-publike e procesit të arbitrazhit është dhunuar, kur disa nga parashikimet tona rrodhën në drejtim të shtypit për arsye të ndryshme politike dhe disa përfaqësues të medias lidhën emrin e të nderuarit kryetar të parlamentit të Shqipërisë me akuzën e korrupsionit. Kjo gjë ka qenë qartësisht e pajustifikueshme mbi bazën e parashikimeve tona. Ju do të kuptoni që ne na duhej të qëndronim të tërhequr nga reagimi në detaje ndaj supozimeve të tilla të medias, në këndvështrim të procedurave në vazhdim të arbitrazhit, por ne mund t'ju sigurojmë që nuk disponojmë asnjë të dhënë që e lidh Z.Meta me veprimet korruptive të DIA-s apo të administratorëve të saj të shkuar apo aktualë”, thuhet ndër të tjera në letrën e Shcreiber.

Sipas Clifford Chance, “përpjekja e fundit frenetike të oponentëve të OSHEE-së, për të shkaktuar konfuzion publik, ato dështuan dhe procedimi përfundoi me dhënien e vendimit përfundimtar të arbitrazhit me datë 14 dhjetor 2015.”

Letra e plotë Clifford Chance:

Të nderuar zotërinj, unë po ju shkruaj në kapacitetin tim si këshilltar i OSHEE-së në arbitrazhin kundër DIA, i lidhur me çështjen e marrëveshjes së mbledhjes së borxheve mbi bazën e së cilës DIA kërkonte mbi 130 milion EURO ose OSHEE përpara Qendrës Ndërkombëtare të Arbitrazhit në Vienë (VIAC Case No. SCH-531 7).

Mosmarrëveshja ishte zgjidhur që në Dhjetor 2014, por marrëveshja e zgjidhjes me mirëkuptim u sfidua nga një aksioner i supozuar i DIA-s, ç'ka çoi në procedime gjyqësore paralele në Ishujt Virgjin Britanik dhe në një vazhdim të procedimit në arbitrazh. Sikurse jeni në dijeni, Gjykata e Arbitrazhit më datë 14 Dhjetor 2015 përfundimisht deklaroi të vlefshme zgjidhjen me mirëkuptim mes palëve dhe refuzoi kërkesën e DIA-s në tërësinë e saj. Dëshiroj të përfitoj nga rasti. T'ju përgëzoj ju për këtë sukses dhe t'ju falënderoj sinqerisht për mbështetjen tuaj të vazhdueshme për mbrojtjen e OSHEE-së.

Do të dëshiroja gjithashtu të vija në dukje performancën e shkëlqyer të ekipit të brendshëm të OSHEE-së:

Z. Romeo Karaj kuptoi dimensionin e mashtrimit të DIA-s dhe mori vendimin kurajoz t'i kundërvihej paligjshmërisë së dukshme dhe të zhvillonte një strategji mbrojtje e cila rezultoi e suksesshme që me lëvizjen e parë (marrëveshja e zgjidhjes me mirëkuptim).

Z Rezart Ruci dëshmoi të ishte një manaxher mosmarrëveshjesh i shkëlqyer dhe me besueshmëri të lartë, i cili u kujdes për pjesën operative të mbrojtjes me një kuptim shumë të mirë për cështjet ligjore dhe gjykim të shkëlqyer në mjaft situata të vështira.

Znj.Gentiana Gica kontribuoi me ide fituese për parashtrimet tona dhe njohuri të thella të çështjes; njohja e shkëlqyer e saj e gjuhës angleze ishte e pazëvendësueshme në këtë mosmarrëveshje ndërkombëtare.

Të tre së bashku meritojnë meritën për ndjekjen e pakursyer të mbrojtjes së OSHEE-së. Ata me kurajo ndihmuan në zbatimin e sundimit të ligjit dhe shmangien e një dëmi të konsiderueshëm për kompaninë dhe mbi të gjitha për popullin shqiptar.

Siç është tipike në raste të tilla, ne na është dashur të merremi me fakte, supozime dhe dyshime të ndryshme. Kokëfortësia e gënjeshtrave të prezantuara nga oponentët na detyruan ne të reagojmë, por në të kundërt të asaj çka pala tjetër ka supozuar pas rrjedhjes së informacionit të vizitës tonë tek prokurorët në Tiranë, në tetor 2013, ne nuk kemi bërë asnjë akuzë të pagjetur. Në këtë dritë është për të ardhur keq që natyra jo-publike e procesit të arbitrazhit është dhunuar, kur disa nga parashikimet tona rrodhën në drejtim të shtypit për arsye të ndryshme politike dhe disa përfaqësues të medias lidhën emrin e të nderuarit kryetar të parlamentit të Shqipërisë me akuzën e korrupsionit.

Kjo gjë ka qenë qartësisht e pajustifikueshme mbi bazën e parashikimeve tona. Ju do të kuptoni që ne na duhej të qëndronim të tërhequr nga reagimi në detaje ndaj supozimeve të tilla të medias, në këndvështrim të procedurave në vazhdim të arbitrazhit, por ne mund t'ju sigurojmë që nuk disponojmë asnjë të dhënë që e lidh Z.Meta me veprimet korruptive të DIA-s apo të administratorëve të saj të shkuar apo aktualë. Në çdo rast, përfshirë përpjekjen e fundit frenetike të oponentëve të OSHEE-së, për të shkaktuar konfuzion publik, ato dështuan dhe procedimi përfundoi me dhënien e vendimit përfundimtar të arbitrazhit me datë 14 dhjetor 2015.

Unë dhe njëherë ju përcjell përgëzimet e të gjithë ekipit të Cliffort Chance-ishte një nder të shërbenim në këtë rast. “Clifford Chance” letër qeverisë: Asgjë nuk e lidh Metën me aferën e DIA

clifford.png

clifford1.png

Sondazh

Më shumë në këtë kategori: « Braçe publikon një tabelë dhe sulmon ‘’Politikanët pronarë’’: Konflikt skandaloz interesi!
“Edi Rama dhe i vëllai padisin 10 kushurinjtë trashigimtarë të një apartamenti”, Berisha tregon konfliktin »
Article Logic
Execution time: 0.033358812332153
array(1) { ["section"]=> string(75) "clifford-chance-leter-qeverise-asgje-nuk-e-lidh-meten-me-aferen-e-dia-31072" }