Deputeti socialist realizon ëndrrën e vjetër, rindërton në Kaninë ‘Dasmën e Skënderbeut’

Publikuar tek: kulture-art, më 19:12 12-04-2018 Deputeti socialist realizon ëndrrën e vjetër, rindërton në Kaninë ‘Dasmën e Skënderbeut’ foto ilustruese

Përveç artit dhe politikës, me sa duket deputeti socialist Fate Velaj ka edhe pasione të tjera organizative.

Me anë të një postimi, Velaj na ka njohur me ëndrrën e tij të hershme, rizhvillimin e dasmës së Skënderbeut dhe Donikës në kohën moderne. Deputeti socialist ka shkruar në një ftesë se në ceremoni do të marrin pjesë rreth 60 delegatë nga Arbëria, në mes të të cilëve do të jetë edhe stërnipi i Heroit tonë Kombëtar, Loris Castriota Scanderbeg.

'Dasma' do të zhvillohet më 22 prill në Kështjellën e Kaninës.

POSTIMI I PLOTË:

FTESË
Në datën 22 prill 2018, ditën e dielë, ora 12:00, në Kështjellën e Kaninës, Deputeti dhe djalini Kanines, Fate Velaj, realizon një ëndrrën e tij të vjetër. Në bashkëpunim me Shoqatën Patriotike "Kanina" , si dhe me Lëvizjen "Foleja Kombëtare Shqiptare" dhe Bashkinë e Vlorës, do të organizohet për herë të parë në histori, "DASMA E SKËNDERBEUT", ashtu siç mund të jetë festuar në atë kohë. Me pjesëmarrjen e një delegacioni prej 60 vetash, ardhur nga Arbëreshët e Italisë, në përbërje të së cilëve është dhe Loris Castriota Scanderbeg - stërnipi i Gjergj Kastriotit, do të festohet 567 vjetori i dasmës më historike të kombit shqiptar si dhe 590 vjetori i lindjes së Donika Gjergj Arianitit në Kaninë. Festimeve do i bashkohen dhe grupi polifonik i Kaninës, ansambli i këngëve dhe valleve të Vlorës si dhe miq e dashamirës nga trevat shqiptare. 
Ejani ta kthejmë këtë ditë një festë të përvitshme! Ta kthejmë Kaninën aty ku e ka vendin e saj në histori. Brezat që do vijnë, do na jenë mirënjohës. Mbas festimeve të Kaninës, do të nisemi për te Manastiri i Ardenicës, aty ku Skënderbeu dhe Donika kurorëzuan martesēn e tyre në kishë.

Më shumë në këtë kategori: « A doni të dini si janë hasianët? Ja si i përshkruan botuesja
Dy aktorë të Hollywood për promovimin e filmit të tyre në Shqipëri »
Article Logic
Execution time: 0.099900007247925
array(1) { ["section"]=> string(92) "deputeti-socialist-realizon-endrren-e-vjeter-rinderton-ne-kanine-dasmen-e-skenderbeut-116672" }