Doktor, do shuhesh ti dhe partia, jo Shqipëria....

Publikuar tek: analiza-komente, më 19:08 07-05-2019 Doktor, do shuhesh ti dhe partia, jo Shqipëria....

Nga Kreshnik Spahiu

Dje, punova deri vonë dhe s’pata aspak nerva të shihja lajmet nga interneti.

Sot, ma prishi mëngjesin deklarata jote e çmendur, sapo hapa portalet: “Shqipëria ka dy rrugë ose të shfarosë regjimin Rama, ose në flakë dhe do shuhet Partia Demokratike”-kishe thënë ti o Sali Berisha.

Po cila parti do shuhet, sepse atë e ke fikur me kohë?

Asaj partie i ka mbetur veç vula dhe çertifikata e pronsisë që ka hipotekuar familja jote në “Hipotek”. Keni regjistruar partinë në emër të Lulzim Bashës dhe i keni vënë pistoletën tek koka që po guxoj t’ja u marrë e këpusni njësoj si..... Qëroni “arrat” dhe hesapet me duart e tij, e më pas lani fytyrën tuaj.

Ajo parti është shuar prej vitesh. Ajo ishte partia e Azem Hajdarit, Eduard Selamit, Gramoz Pashkos, Shënasi Ramës, Genci Rulit, Arbeni Imamit, Arben Meçes, Sevim Arbanës, Aleksandër Meksit, Edmond Budinës dhe 377 themeluesve që ose u vranë ose i flake 100% rrugve.

Asnjë s’të ka mbetur o doktor, sepse i largove.

Ata që dalin në mitingje janē punonjsit e bashkive të Kamzës, Bathores, Tropojës, Kuksit, Lezhës, Shkodrës qē marrin rrogën në pushtetin lokal të PD ose disa ish zyrtar të administratës PD që shpresojnë të ri-kthehen sërish rek zyrat e doganave, tatimeve, policive që kishin gjatë qeverisjes tënde.

Ajo parti nuk ka asnjë rresht ndryshe nga programi i PS. Ajo parti s’ka asnjë rresht për bashkimin kombëtar!

Shqipëria sot nuk sheh dy aletrantivat e tua: Ose PD në pushtet, ose Shqipria në flakë sepse nga 3.2 milion votues: (1.8 milion bojkotojnë kundërt gjithë sistemit dhe vetëm 0.3 milion të kanë mbetur)

Shqipëria pret të shuhesh ti i pari, e dyta PD, e treta Monika me bandën e LSI, e katërta qeveria e Elisave dhe në fund qershia mbi tortë Edi Rama, ai që me ndryshmet kushtetuese 2008 po të mban ende në lojë.

Shqipëria nuk do digjet por do të rrojë në shekuj. Ne do të shuhemi, por jo pa shijuar shuarjen e Partisë Demokratike e cila shuajti shpresën e një kombi dhe shiti pushtetin, e më pas shkatërroi shtetin për interesat e një familje.

Ky është çmimi i shtrenjtë i tradhëtisë.

Ka ardhur koha ta paguash, por fatkeqsisht do e vuajnë shumë gjatë me dhimbje edhe mijra demokrat që besuan verbërisht në pa-burrërinë dhe pa-besinë tënde.

Sondazh

Article Logic
Execution time: 0.00677490234375
array(1) { ["section"]=> string(51) "doktor-do-shuhesh-ti-dhe-partia-jo-shqiperia-163356" }