Dom Gjergj Meta u jep zemër studentëve: Ju pashë, ishit shumë! MOS U NDALNI, ju admiroj PAFUND

Publikuar tek: aktualitet, më 11:55 06-12-2018 Dom Gjergj Meta u jep zemër studentëve: Ju pashë, ishit shumë! MOS U NDALNI, ju admiroj PAFUND Protesta-Dom Gjergj Meta

Dom Gjergj Meta u jep zemër studentëve protestues. Ai u bën thirrje studentëve të mos ndalen.

 

“Ju jeni në fakt përgjigja më e mirë ndaj atyre që duan të ikin nga ky vend, sepse politika e qeverisë ua ka bërë t’u gërtitet ky vend. Ju jeni përgjigja më e mirë ndaj një grupimi opozitar pa mendim substancial, sidomos të atyre rioshave që janë plakur para kohe dhe ndaj një qeverisje pa vizion tërësor”, shkruan prifti Dom Gjergj META.


E PLOTË:

Rastësisht sot ju pashë në Tiranë duke protestuar. Ishit shumë. Të rinj e të freskët. Kushedi sa ëndërra keni në zemrat tuaja. Por, keni ndezur edhe te ne të rriturit dëshirën për të ëndërruar.

Në fakt, ndenja disi anash, teksa ju shihja, sepse nuk doja të prishja atë dekor, sikurse jua prishin përfaqësuesit e politikës, sidomos asaj opozitare që duke mos pasur kauza vjedh kauzat tuaja.

Ju jeni në fakt përgjigja më e mirë ndaj atyre që duan të ikin nga ky vend, sepse politika e qeverisë ua ka bërë t’u gërtitet ky vend. Ju jeni përgjigja më e mirë ndaj një grupimi opozitar pa mendim substancial, sidomos të atyre rioshave që janë plakur para kohe dhe ndaj një qeverisje pa vizion tërësor.

Ju jeni përgjgja më e mirë ndaj ne të rriturve që mbetëm duke u kap’ nëpër studjo televizive pa asnjë produkt. Faleminderit studentë!  Jua di për nder që jeni dhe që ngrini zërin tuaj. Mos pranoni t’ju vjedhin kauzat apo t’ju blejnë. Forconi mendimin tuaj dhe shkojini deri në fund. Keni të drejtë derisa sa doni një të ardhme.

Ju mund ta bëni ndryshimin. Lëreni politikën plakë në “shenjtninë” e saj. Mos u ndalni. E drejta juaj është e ardhmja e vendit tonë.

Ju admiroj pafund!

 

 

Sondazh

Më shumë në këtë kategori: « PROTESTA/ Taulant Muka rikthehet në Shqipëri: Sapo bleva biletën e avionit, do jem me ju dhe të gjjthë bashkë të...
Luksemburgu vendi i parë në bote me transportin publik falas »
Article Logic
Execution time: 0.0047130584716797
array(1) { ["section"]=> string(97) "dom-gjergj-meta-u-jep-zemer-studenteve-ju-pashe-ishit-shume-mos-u-ndalni-ju-admiroj-pafund-144131" }