Duma: Qeveria është është zhytur në tendera korruptiv

Publikuar tek: politike, më 18:00 11-02-2015 Duma: Qeveria është është zhytur në tendera korruptiv

Koordinatroja për Mediat e PD-së, Grida Duma ka deklarua sot se drejtuesit dhe qeveritarët janë zhytur në tendera korruptiv.

Duma ka akuzuar KESH-in se ka blerë dy gjenerator me shumën  220 milionë lekë, ndërkohë që në dokumentat doganorë rezulton se ato kushtojnë 79 milionë lekë.

 

Deklarata e plotë e Grida Dumës:

Asnjë sallë e regji qendrore nuk i mbulon dot problemet me energjinë në vend, dhe abuzimin në kurriz të qytetarëve.

Dhjetra mijë qytetarë që janë mbifaturuar, janë goditur në qindarkat e tyre të fundit nga faturat skandaloze të OSHEE, nuk morën sot asnjë përgjigje.

Rimëkëmbja ka ndodhur vetëm për drejtuesit e qeveritarët të cilët janë zhytur në tendera korruptiv, pasi qytetarët e vendit në të kundërt po vuajnë cmimin e rritur të energjisë, mungesën e trajtimit të ankesave të tyre, errësirën në të ftohtë dhe shpesh qelinë e burgut.

Edi Rama vazhdon të flasë për plane e investime, por nuk thotë asnjë fjalë për 600 milionë euro, që iu falën kompanisë CEZ, detyrime të njohura, të cilat do të mjaftonin 2 herë për të rinovuar sistemin e shërbimin ndaj qytetarëve.

Rimëkëmbje është, kur me njërën dorë ua shet energjinë elektrike kompanive private me 30 euro megavatin, dhe e blen me dorën tjetër me taksat e publikut, po tek këto kompani me 57 euro megavatin, vetëm që drejtuesit dhe qeveritarët të bëjnë biznes 4 milionë eurosh për dy javë?

Rimëkëmbje energjitike është kjo, kur KESH e blen naftën me 480 lekë litrin? Ja ku është dokumenti.

Rimëkëmbje energjitike është kur KESH jep 220 milionë lekë për dy gjeneratorë, ndërkohë që në dokumentat doganorë rezulton se ato kushtojnë 79 milionë lekë?

Ky është rrënim energjetik për vendin e taksat e shqiptarëve. Eshtë vetëm rimëkëmbje financiare për drejtuesit e sistemit dhe qeveritarët që po majmen cdo ditë me të tilla abuzime alarmante.

Sondazh

Më shumë në këtë kategori: « Shpërthimet/ Berisha: Janë sulme ndaj shtetit dhe qeverisë
Naço: Kryeprokurori të zgjidhet me 84 vota »
Article Logic
Execution time: 0.01429295539856
array(1) { ["section"]=> string(57) "duma-qeveria-eshte-eshte-zhytur-ne-tendera-korruptiv-3074" }