'Dy pyetje për Berishën: Gënjen për Revolucionin apo s’të vjen askush prapa?'

Publikuar tek: analiza-komente, më 19:54 21-12-2018 'Dy pyetje për Berishën: Gënjen për Revolucionin apo s’të vjen askush prapa?'

Nga Kreshnik Spahiu*

Sot Berisha këndoj refrenin e preferuar: “O djem rrëmbeni pushkët, ja vdekje ja liri”

Por a e dini pse Berisha e këndoi sërish?

1- Sepse Parta e tij dje reagoi si shoqata ekologjike e gjimnastëve të fshatit duke protestuar me vezë!

2- Sepse miliona shqiptarë u tallën në rrjete sociale me kotecin opozitar

3- Sepse mos grisja e mandatve dhe kthimi në parlament ka zhgënjyer çdo demokrat

4-Sepse protesta e studentëve e kanë nxjerrë jashtë loje, Opozita e bashkuar nuk përfaqëson as edhe një qytetar të vetëm dhe aq më pak të mbrojë interesat e tyre, opozita kërkon të legjitimojë sigurinë vetjake nga Vettingu duke përdorur protestat e qytetarëve dhe artistëve për teatrin si dhe protestën studentore

5- Sepse largimet nga PD po bëhen masive në një kohë kur duan dhe lakmojnë rënien e qeverisë

6- Sepse mijra studentë qeshin dhe bëjnë humor me Lulzim  Bashen kur bie fjala për negociata me Ramën

7- Sepse mijra shqiptarë po kërkojnë revolucion dhe jo rotacion që të rikthehet Berisha

8- Sepse 5 vjet në opozitë nuk po rikuperon dot konsumim dhe ashtu si te protestat e armeve kimike ai nuk del dot në protestë sepse populli protestues nuk e dëshiron të drejtojë dy gishtat e tij, përsa kohë ai dhe pasardhësit e tij kanë përdorur armët e pushtetit për 28 vite me rradhë ndaj qytetarëve të këtij vendi

Por realisht, ka 5 vjet që Berisha bën thirrje për revolucion. Thirrjet e tij janë periodike por si gjithmonë nuk ndodh asgjë.

Sali Berisha dje është ndjerë shumë keq sepse “njeriu që qesh” që ai e ka emëruar kryetar parite, u bë qesharak në sytë e miliona shqiptarëve me vezët që ngrohu në 6 muaj bojkot.

Lideri historik i domokratëve ka filluar të shpalosi dukshëm konsumin dhe shterpësinë e ideve në politikë. Imazhi i tij i rëndë prej “burri shteti” dje u venit tek mbante vezë në xhep!

Duke mos dashur të ndalem në analizë politike, po i kujtoj Sali Berishës që pas 5 vitesh thirrjes për revolucion, populli ka dalë në rrugë por jo vetëm kundër Ramës por edhe kundër Berishës.

Berishës i kanë mbetur vetëm vezët që ngroh Luli anipse në Malësi nuk e kanë për zakon që burrat të ngrohin vezë e të kuvendojnë në kotec!

Dje burrëria e një malsori u shkërmoq si një omëletë por me konitacion politik.

Sondazh

Article Logic
Execution time: 0.023777961730957
array(1) { ["section"]=> string(80) "dy-pyetje-per-berishen-genjen-per-revolucionin-apo-s-te-vjen-askush-prapa-146030" }