E kritikuan se po hedh baltë mbi Shqipërinë në Twitter, Basha godet sërish

Publikuar tek: politike, më 00:00 04-07-2018 E kritikuan se po hedh baltë mbi Shqipërinë në Twitter, Basha godet sërish

Kreu i Partisë Demokratike, Lulzim Basha përmes një tjetër statusi në rrjetin social Twitter akuzon kryeministrin Edi Rama për lidhje me mafian.

Asgjë e veçantë deri këtu, pasi akuza të tilla PD dhe Basha i bëjnë çdo ditë në media, rrjete sociale e parlament.

Por ajo që ka revoltuar socialistët është gjuha e huaj në të cilën Basha ka nisur të shkruajë në Twitter.

Në një postim të mëparshëm kryedemokrati shkruante italisht për “narkoshtetin” shqiptar.

Ndërsa në postimin pak para mesnate, Basha rëndon akuzat këtë herë në gjuhën angleze.

“Edi Rama, besnik ndaj stilit të tij prej Noriege të Ballkanit, ka mobilizuar gazetarë të propagandës, të paguar me eurot e drogës për të sulmuar opozitën se thotë të vërtetën e dhimbshme: Rama dhe mafia shqiptare po drejtojnë një narkoshtet që ka rrënuar shpresat e popullit dhe ka bllokuar bisedimet e anëtarësimit në BE”, shkruan Basha.

Kujtojmë se kreu i PD-së është në Twitter prej rreth 4 vitesh, por vetëm së fundmi ka nisur të jetë aktiv në këtë rrejt social, dhe në gjuhë të huaj.

Nga ana tjetër, kryeministri, çdo ministër dhe zyrtarë e institucione të shumta të qeverisë së socialistëve janë pjesë e Twitterit dhe tepër aktiv në këtë rrjet social që përdoret masivisht nga politikanë në mbarë botën.

Sondazh

Më shumë në këtë kategori: « “Çamët kriminelë”, Mesila Doda i përgjigjet ministrit grek: Ja kush bashkëpunoi me nazistët
Rama publikon VIDEO që në mëngjes dhe ka një përshëndetje: Për të gjithë ata që shajnë, tallen e përqeshin (E PLOTË) »
Article Logic
Execution time: 0.020148992538452
array(1) { ["section"]=> string(80) "e-kritikuan-se-po-hedh-balte-mbi-shqiperine-ne-twitter-basha-godet-serish-126650" }