Edhe PD “shpall non-grata” Llallën, Paloka: S’çoi në burg asnjë zyrtar të korruptuar. Nuk e mbrojmë

Publikuar tek: politike, më 23:53 16-04-2018 Edhe PD “shpall non-grata” Llallën, Paloka: S’çoi në burg asnjë zyrtar të korruptuar. Nuk e mbrojmë

Partia Demokratike duket se ka ndryshuar qëndrim sa i takon punës së ish-kryeprokurorit Adriatik Llalla, i akuzuar nga SHBA si i korruptuar, ndërsa u shpall non-grata nga DASH për këto akuza.

I ftuar në emisionin "5 pyetjet nga Babaramo" në Report Tv, nënkryetari i PD, Edi Paloka u shpreh se Llalla nuk çoi në burg asnjë zyrtarë të kësaj qeverie, e cila sipas tij është më e korruptuara.

"Ai ishte prokuror në një kohë kur kishim qeverinë më të korruptuar. Edhe ai nuk çoi ansjë zyrtar të korruptuar për ndjekje penale. Nuk është se ne mbrojmë punën e Llallës, nuk e mbrojmë".

Ai akuzoi kryeprokuroren aktuale, Arta Marku, si të kapur politikisht. Sipas tij, me urdhër të Ramës mbahen ende në burg 11 protestuesit e "Rrugës së Kombit", për të cilët PD kërkon lirinë.

Paloka paralajmëron se opozita do vijojë protestat, ndërsa mesazhi i tij për Ramën ishte se s’do jetë asnjë ditë i qetë.

“Protesta ka përditë dhe do vazhdojë përditë. Kam ndarë porosi edhe në mbledhjen e grupit sot, që ky kryeministër të mos jetë i qetë në asnjë vend, kudo ku të shkojë, do ta ketë opozitën dhe qytetarët aty. Do vijë edhe dita e masivizimit, por ajo do jetë dita e fundit e kësaj qeverie. Ajo që ndodhi në Kukës ishte revoltë dhe jo protestë e thjeshtë.

Dhe revolta të asaj përmase nuk janë të përditshme. Por protesta është e përditshme në Shqipëri nga opozita, qytetarët, studentë, të rinj, biznesi i vogël, nga të gjitha shtresat e shoqërisë. Një ditë pas asaj të Kukësit, pati një revoltë në Ballsh", tha Paloka.

Më shumë në këtë kategori: « Deklarata e fortë, Xhafaj: Ka prokurorë të implikuar në grupe kriminale
Video e arrestimit të kuksianëve, flet për herë të parë Xhafaj: E vërteta e orës 03:50 »
Article Logic
Execution time: 0.0039761066436768
array(1) { ["section"]=> string(101) "edhe-pd-shpall-non-grata-llallen-paloka-s-coi-ne-burg-asnje-zyrtar-te-korruptuar-nuk-e-mbrojme-117138" }