Edi Rama: Naftën në Shqipëri e paguajmë 20% më pak

Publikuar tek: politike, më 14:06 22-01-2015 Edi Rama: Naftën në Shqipëri e paguajmë 20% më pak

Kreu i qeverisë Edi Rama reagoi sërish për çështjen e shumëpërfolur  të  çmimit të naftës .Sipas tij, sot nafta në Shqipëri paguhet më pak se një vit më parë.

“E para, askush nuk po thotë që çmimin e uli qeveria, po vetëm që çmimi nuk u rrit po u ul dhe ky është fakt! Pra sot, naftën ne Shqipëri e paguajmë 20% më pak se një vit më parë. E dyta, krahasimet me Gjermanine e me Anglinë dhe me ekonomitë e forta të Europës, ia kemi lenë atyre që ikën. Kush bën të tilla krahasime nuk do që të kuptojë se ekonomia shqiptare sapo ka nisur të dale nga gropa e madhe e para një viti dhe nuk mund të rimëkëmbet siç duam, përveçse me kontributin e të gjithëve”- shkruan kryeministri Rama.

Rama shkroi me ironi se qëllimi i qeverisë është të krijojë një shtet të drejtë ligjor.

"Kjo qeveri nuk është krijuar për të vazhduar t'i tregojë popullit përrallen e gomarit që kur po e hante ujku mbyllte sytë dhe thoshte "O Zot ishalla jam në endërr!".Kjo qeveri është krijuar per të bërë shtet, për të siguruar që të gjithë respektojne ligjit dhe paguajnë detyrimet e tyre, ashtu siç u takon; që nga dritat deri tek taksat sipas të ardhurave që kanë. Të tjerat janë politike e vjeter ose muhabete që s'na nxjerrin asgjëkundi.”- përmbylli komentin e tij kreu i qeverisë.

Çmimi i lartë naftës ka ndeshur në debate të ashpra këto ditë në Shqipëri. Edhe pse ka pësuar një ulje nga 185 lek për litër në 165 lek për litër, ende ai mbetet i lartë krahasuar me rajonin. Opozita ka paralajmëruar një protestë më 26 Janar, ku do të bllokohen rrugët nacionale të vendit.

Sondazh

Më shumë në këtë kategori: « Eurokomisioneri Hahn: Reformim i Gjykatës së Lartë dhe KLD-së
Berisha: Duhet drejtësi për 21 Janarin, nisi për bllokun e Metës »
Article Logic
Execution time: 0.004086971282959
array(1) { ["section"]=> string(57) "edi-rama-sot-naften-ne-shqiperi-e-paguajme-20-me-pak-1184" }