Gjiknuri e Bushati inspektojnë punimet në Melgushë-Mjedës: Investimi i ARRSH mbi 500 mijë euro

Publikuar tek: politike, më 08:45 14-09-2018 Gjiknuri e Bushati inspektojnë punimet në Melgushë-Mjedës: Investimi i ARRSH mbi 500 mijë euro Foto nga inspektimet

Ministri i Infrastrukturës dhe Energjisë Damian Gjiknuri bashkë me Ministrin për Evropën dhe Punët e Jashtme Ditmir Bushati dhe drejtorin e Autoritetit Rrugor Afrim Qendro inspektuan investimet që po kryhen në segmentin rrugor Melgushë-Mjedë.

Në të gjithë gjatësinë prej 7 kilometrash të kësaj rruge po ndërhyhet për vendosjen e sinjalistikës rrugore dhe masave të sigurisë rrugore në të gjithë gjatësinë e rrugës.

“Këtu jemi në segmentin Melgushë-Mjedë, segment që ka patur një problematikë të madhe me sigurinë rrugore. Në bashkëpunim me Bankën Botërore dhe projektin që kemi, kemi filluar nga puna për investimin në barrierat mbrojtëse, për sinjalistikën verfikale e horizontale dhe për riparimin e të gjitha defekteve që janë në elementët e sigurisë rrugore. Është një investim prej 500 mijë eurosh i cili ka filluar dhe brenda 45 ditësh besoj do ta mbyllim duke i rritur sigurinë gjithë këtij segmenti rrugor”, theksoi drejtori i ARRSH-së.

Ministri Gjiknuri vuri theksin tek gatishmëria e qeverisë për të ju përgjigjur menjëherë kërkesave të komunitetit për ato akse rrugore ku shfaqen problematika.

“Ka të bëjë me rritjen e sigurisë rrugore, përmirësimi I sinjalistikës që është pjesë e programit të mirëmbajtjes që ka nisur qeveria shqiptare këtë vit nga veriu deri në jug. Këtu në Qarkun e Shkodrës po adresojmë disa segmente rrugore shumë të rëndësishme për qytetarët. Praktikisht, kjo është një nga rrugët që edhe në përgjigje të sensibilitetit të komunitetit po vendosen barrierat mbrojtëse dhe gjithë pjesa e sigurisë. Ky proces do të përmbyllet shumë shpejt dhe do të kemi një rrugë brenda standardeve të kërkuara”, premtoi ministri Gjiknuri.

Ndërkaq, ministri Bushati u shpreh se kjo ndërhyrje në infrastrukturë është në vazhdën e të tjera investimeve që qeveria ka ndërmarrë edhe për Bashkinë e Vaut të Dejës.

“Ky investim i qeverisë shqiptare për këtë rrugë është në vazhdën e investimeve që qeveria ka krijuar në Bashkinë e Vaut të Dejës. Po kompletojmë edhe pjesën e sigurisë rrugore që shpresojmë shumë që do të rrisë cilësinë e kësaj rruge dhe do të minimizojë në maksimum aksidentet sepse kjo rrugë siç shihet deri më sot ka qenë e pambrojtur dhe burim aksidentesh”, theksoi Bushati.

Gjatë ndërhyrjes në Melgushë-Mjedë parashikohet që të kryhet riparimi i shtresave asfaltike në pjesët e dëmtuara; vendosja e sinjalistikës rrugore dhe masave të sigurisë rrugore në gjatësinë e rrugës, vizimi i ri termoplastik, instalimi i barrierave mbrojtëse, instalimi i delineatorëve, rifreskimi i sinjalistikës horizontale e vertikale ashtu sikurse riparimi i kanaleve të drenazhit.

Sondazh

Më shumë në këtë kategori: « Largimi nga politika, Rama: Nuk do të katandisem si doktori
‘Kryeministri rrëmben mësuesit! Ka ngjarë sot!’ »
Article Logic
Execution time: 0.056646108627319
array(1) { ["section"]=> string(100) "gjiknuri-e-bushati-inspektojne-punimet-ne-melgushe-mjedes-investimi-i-arrsh-mbi-500-mije-euro-134273" }