Gomonia me 2.5 ton kanabis ‘ngatërron’ TRE SHTETE, policia shqiptare: Nuk dihet nga u nis (DETAJE)

Publikuar tek: rajon, më 17:42 10-06-2018 Gomonia me 2.5 ton kanabis ‘ngatërron’ TRE SHTETE, policia shqiptare: Nuk dihet nga u nis (DETAJE) Foto ilustruese

Plot 2.5 ton drogë janë sekuestruar ditën e sotme në ujërat e Brindisit në Itali.

Operacioni u krye nga Njësite e Brindizit të Guardia di Finanzia në bashkëpunim me Departamentin i Operacioneve Detare në Bari si dhe u njoftuan autoritetet malazeze e ato shqiptare.

Mjeti lundrues ishte ngarkuar me 2.5 ton kanabis dhe dyshohet të jetë nisur nga brigjet e Vlorës. Trafikantët kanë braktisur ngarkesën pas disa orësh ndjekie në det të hapur nga policia dhe kanë mundur të largohen pasi humbën gjurmët në Malin e Zi. Sipas mediave italiane marijauna kontrollohej nga mafia lokale e zonës.

Operacioni vijon për identifikimin dhe kapjen e tyre.

Informacion nga Policia Shqiptare:

  • • GdF italiane sekuestron 2.5 ton marijuanë, e cila u hodh në det nga trafikantët.
  • • Në operacion pas interceptimit të gomones edhe Policia Kufitare e Shqipërisë dhe Malit të Zi
  • • Nuk dihet ende origjina dhe vendi nga ku u nis gomonia drejt Italisë

Në datë 9 Qershor 2018, rreth orës 16:25, një avion i Guardia di Finanza të Pulias gjatë kontrollit në hapësirën detare, pikasi një mjet lundrues që lëvizte me shpejtësi në ujërat italiane, në largësi rreth 40 milje nga bregu.

Menjëherë në ndjekje janë vënë 2 mjete lundruese të GdF duke e interceptuar mjetin lundrues të llojit gomone, i cili ishte i ngarkuar dhe lëvizte me shpejtësi.

Ndërkohë partnerët italianë kanë njoftuar Policinë Kufitare në Shqipëri. Disa mjete të Policisë Kufitare dhe të Guardia di Finanza në Durrës dhe Vlorë janë vënë në gadishmëri, në pritje të hyrjes së gomones në ujërat territoriale shqiptare.

Por gomonia e ngarkuar, në ndjekje nga GdF ka shtuar shpejtësinë duke hedhur në det ngarkesën.

Më pas ajo i është drejtuar territorit të Malit të Zi, duke u futur në këto ujëra.

Policia malazeze e ka interceptuar gomonen, por pas një ndjekje për rreth 1 orë, ka humbur gjurmët e saj.

Ndërkohë që Guardia di Finanza ka rikuperuar mallin e hedhur në det në ujërat ndërkombëtare në afërsi të ujërave territoriale të Malit të Zi, ku rezultoi 2 ton e 475 kilogramë marijuanë.

Autoritetet policore në 3 shtetet po vijojnë hetimet dhe shkëmbimin e informacionit për zbulimin dhe ndalimin e trafikantëve, por ende nuk ka të dhëna për origjinën e mallit dhe shtetin nga ku mund të jetë nisur gomonia.

sdfgwerghwerh34hy.jpg

Sondazh

Më shumë në këtë kategori: « Përcillet në banesën e fundit legjenda e futbollit të Kosovës, Fadil Vokrri
Krim në familje, shqiptari ther me thikë gruan 28 vjeçare »
Article Logic
Execution time: 0.023168802261353
array(1) { ["section"]=> string(99) "gomonia-me-2-5-ton-kanabis-ngaterron-tre-shtete-policia-shqiptare-nuk-dihet-nga-u-nis-detaje-123894" }