Grabitja në banesën e nënës së Gjiknurit, zbardhen detaje të reja

Publikuar tek: aktualitet, më 06:33 13-10-2017 Grabitja në banesën e nënës së Gjiknurit, zbardhen detaje të reja

Banesa e nënës së ministrit Damian Gjiknuri është bastisur mesditën e së martës nga persona ende të paidentifikuar. Autorët e dyshuar të ngjarjes dyshohet se kanë vjedhur 300 mijë lekë të rinj dhe disa bizhuteri.

Ngjarja ndodhi në rrugën “Maliq Muça”, që ndodhet mes bulevardit “Zogu i Parë” dhe Rrugës së Durrësit, në kryeqytet. Ndërsa në momentin që është realizuar vjedhja, në banesë nuk kishte njeri. Nga verifikimet e kryera nga ekspertët e Policisë në vendin e ngjarjes, nuk janë konstatuar shenja të hyrjes me forcë apo thyerjes së derës së jashtme të apartamentit. Ndërsa janë konstatuar gjurmë në ballkonin e shtëpisë, që ndodhet në katin e tretë të pallatit.

Burimet thanë se ka dyshime që autorët mund të kenë përdorur hekurat e dritareve të banesave në katet më të poshtme, për t’u ngjitur në ballkonin e apartamentit ku jetonte nëna dhe vëllai i Gjiknurit. Vjedhja është konstatuar pak kohë pasi kishte ndodhur, në momentin kur Liri Gjiknuri, 67 vjeçe, është kthyer në shtëpi.

Sapo ka parë rrëmujën, ajo ka dyshuar për një vjedhje të mundshme dhe ka kontrolluar në vendin ku mbante paratë që kursente nga pensioni. Në momentin që ka parë se mungonin paratë, rreth 300 mijë lekë të rinj, ajo i ka telefonuar menjëherë policisë. Në vendngjarje kanë shkuar shërbimet e Komisariatit nr.3 që kanë kryer veprimet e para hetimore dhe po vazhdojnë hetimet për identifikimin e autorëve, shkruan panorama.

Policia

Policia e Tiranës sqaroi dje zyrtarisht vjedhjen e ndodhur në banesën e nënës së Damian Gjiknurit. “Më datë 10 tetor është konstatuar se në rrugën ‘Maliq Muça’, persona të paidentifikuar kanë vjedhur banesën e shtetases L.Gj., 67, vjeçe, banuese në Tiranë, ku kanë marrë një sasi të hollash rreth 300 mijë lekë, si dhe disa bizhuteri. Theksojmë se banesa nuk është rezidencë e ministrit Gjiknuri, por e nënës së tij”, tha Policia.

Më shumë në këtë kategori: « Gazetari Hoxha i shokon të gjithë: Ajo që ndodhi mbrëmë në Lushnje është vetëm fillimi, ata që u vranë nuk ishin shënjestra
U nda nga jeta pas një sëmundje të rëndë, sot homazhet për ish-ministrin Dritan Prifti, mesazhi i fundit publikisht: Nuk dua të mërziteni! »
Article Logic
Execution time: 0.0039899349212646
array(1) { ["section"]=> string(70) "grabitja-ne-banesen-e-nenes-se-gjiknurit-zbardhen-detaje-te-reja-95715" }