Integrimi i Serbisë, Malit të Zi e Bosnjës në BE, ja cili shtet e ka në dorë

Publikuar tek: rajon, më 07:14 09-02-2018 Integrimi i Serbisë, Malit të Zi e Bosnjës në BE, ja cili shtet e ka në dorë

Sipas rekomandimeve të Komisionit Evropian për shtetet e Ballkanit Perëndimor, vlerësohet se Kroacia tani mban në grusht të gjithë fqinjët, të cilët dëshirojnë të anëtarësohen në Bashkimin Evropian.

Mediet kroate e cilësojnë të rëndësishme Strategjinë e BE-së për Ballkanin Perëndimor, në të cilën përmendet edhe çështja e anëtarësimit të Serbisë dhe të Malit të Zi, si dhe e shteteve tjera pretenduese, shkruan Telegrafi.

Në këtë kontekst citohet deklarata e Presidentit të Komisionit Evropian, Jean Claude Juncker, i cili qartësoi se çështja e pazgjidhur për përcaktimin e kufirit mes Kroacisë dhe Sllovenisë duhet të zgjidhet urgjentisht.

Më tutje vihet në pah edhe vërejtja e Junckerit se në të ardhmen nuk do të lejohet anëtarësimi në union i atyre shteteve, që kanë probleme kufitare mes vete.

Një koment të ashpër për strategjinë e re të Brukselit e bëri edhe gazeta sllovene, Veçer, e cila këmbënguli se strategjia e re e unionit është e gabuar, ngase kushtëzimi i anëtarësimit me zgjidhjen e grindjeve kufitare do të bëjë që i tërë rajoni të bëhet peng i Kroacisë. “Në këtë mënyrë, i gjithë Ballkani mund të bëhet peng i Zagrebit zyrtar”.

Kroacia nuk ka të zgjidhur çështjen e kufijve me asnjë shtet fqinjë, pos me Hungarinë. Kjo nënkupton se Kroacia mund të hyjë në konflikt eventual me Serbinë për shkak të kufijve në Danub, me Malin e Zi për shkak të kufirit detar dhe për Prevllakën, si dhe me Bosnjë dhe Hercegovinën. Mund të thuhet se Kroacia tani po mban në grusht të gjithë Ballkanin”, konstatoi Veçer.

Më shumë në këtë kategori: « SKANDALI në Komunën e Ferizajt, klithma seksi në zyrë me 15-vjeçaren
»
Article Logic
Execution time: 0.048611164093018
array(1) { ["section"]=> string(81) "integrimi-i-serbise-malit-te-zi-e-bosnjes-ne-be-ja-cili-shtet-e-ka-ne-dore-109666" }