Jorida Tabaku: TAP nis punimet, Rama krenohet me punën e qeverisë së mëparshme

Publikuar tek: politike, më 12:55 18-04-2016 Jorida Tabaku: TAP nis punimet, Rama krenohet me punën e qeverisë së mëparshme

Deputetja e Partisë Demokratike Jorida Tabaku gjatë një deklarate për shtyp është shprehur se kryeministri Rama po krenohet me punën e qeverisë së mëparshme pasi investimi serioz i gazsjellësit TAP është firmosur në 2013 kur PD ishte në pushtet.

“I fundmi i investimeve serioze në vendin tonë i firmosur në fillim të vitit 2013 është një kujtesë për seriozitetin dhe angazhimin e qeverisë së Partisë Demokratike në shërbim të ekonomisë dhe punësimit.

Por sot edhe një herë, u pa se sa qesharak bëhet Kryeministri, i cili jo vetëm nuk përmend asgjë për punën e mëparshme, por i kapur rëndë nga sindroma e vitit zero flet sikur projekti lindi ditën që ai erdhi në pushtet. Ekonomia shqiptare ende vazhdon të mbahet në patericat e investimeve të qeverisë së shkuar sepse vetë Edi Rama ka të tjera prioritete: pasurimin e tij dhe oligarkëve të tij përmes tenderave dhe koncesioneve korruptive me paratë e taksave të rritura të shqiptarëve. Ekonomia sot reflekton plotësisht dështimin e zotimeve që ky kryeministër bëri 3 vjet më parë.

Edi Rama ka mbi supe damkën e rënies së investimeve të huaja me 57 mln euro më pak (5.7%) në raport me vitin zgjedhor 2013.

Sot fatkeqësisht Shqipëria nuk është më një vend atraktiv për investimet e huaja ashtu siç e kanë konfirmuar edhe investitorët gjermanë apo amerikanë. Asnjë investitor strategjik nuk ka ardhur e nuk do të vijë në qeverisjen e Edi Ramës. Shumë prej tyre janë larguar dhe të tjerë janë bërë gati të ikin. Sepse Shqipëria vuan nga korrupsioni i përhapur gërryes siç thotë Departamenti Amerikan i Shtetit,  dhe është vendi me taksat më të larta në rajon siç thotë raporti i Freedom House. Sot në Shqipëri për herë të parë në 6 vitet e fundit konsumi ka rënë në vlera negative. Shqipëria ka nivelin më të ulët të besimit ndër biznese e konsumatorë në 15 vitet e fundit, siç thotë Banka e Shqipërisë. Shqipëria e fundit në rajon sa i takon transformimit, siç edhe Indeksi Gjerman i Transformimit (Bertelsmann Stiftung) raporton, është produkt i tre vjetëve keq-qeverisje të Edi Ramës. Thellimi i varfërisë, papunësia që shtohet çdo ditë, taksat e larta, faturat e kripura, gjobat me dorë të rëndë, rënia e fuqisë blerëse, rënia e investimeve, konsumit dhe mirëqenies, ky është realiteti që prodhuan tre vjet mashtrime, dështime, kërbaç dhe korrupsion.

Kjo nuk është Shqipëria që ne duam.

Prandaj ne jemi zotuar se do ta nxjerrim vendin nga kriza Rama. Përmes uljes së taksave, tarifave dhe faturave do ti kthejmë shqiptareve dhe 1 miliard euro çdo vit. Bashke do të ndërtojmë një ekonomi të fortë dhe një të nesërme të sigurte për të gjithe e do ta bëjmë Shqipërinë vendin më atraktiv në rajon për investitorët. Duke i rikthyer besimin bizneseve të huaj dhe atyre vendas për të investuar, për të krijuar vende pune e siguruar mirëqënie” tha Tabaku.

Sondazh

Më shumë në këtë kategori: « Partia Socialiste mbledh ditën e shtunë asamblenë, zgjedh sekretarin e Përgjithshëm
‘’Si e ngriti Shullazi perandorinë e krimit me Edi Ramën dhe Saimir Tahirin’’ »
Article Logic
Execution time: 0.021628856658936
array(1) { ["section"]=> string(82) "jorida-tabaku-tap-nis-punimet-rama-krenohet-me-punen-e-qeverise-se-meparshme-37979" }