Juventusi në krye, Zaza “rrëzon” Napolin në minutat e fundit

Publikuar tek: sport, më 22:50 13-02-2016 Juventusi në krye, Zaza “rrëzon” Napolin në minutat e fundit

Napoli rrëzohet në fundin e një ndeshjeje dramatike në “Juventus Stadium” ku bardhezinjtë e Massimiliano Allegrit iu falën golit të Simone Zaza-s 2 minuta nga fundit për suksesin e 15 rresht në kampionat dhe 3 pikët që e zhvendosin Zonjën e Vjetër në krye të klasifikimit për herë të parë këtë sezon. Rokada në krye të renditjes vjen me një humbje të hidhur për ekipin e Sarrit që luajti një 90 minutësh me sigurinë dhe karakterin e një skuadre që vuajti mungesën e përqëndrimit në minutat e fundit. Në Torino mbi të gjithë dominoi frika për të mos e humbur përballjen mes dy liderve të kampionatit italian ku mbështetja e 40 mijë frymëve në stadium e ndihmoi ekipin e Allegrit të vendoste një gur në rrugën e titullit të pestë rresht. Në krahun tjetër, ekipi i Sarrit nuk arriti të bllokonte rrugëtimin e çmendur të Juventusit që vinte në këtë sfidë pas 14 fitoreve rresht në kampionat.

Më shumë se Dybala e Higuain, në mbrëmjen torineze shkëlqyen yjet e mbrojtjeve ku nuk bëri përjashtim as Elsid Hysaj, ndërsa magjia e Zaza-s me siguri do të mbahet mend gjatë në natën më të çmendur të karrierës së tij. 4-3-3 i Napolit me treshen Higuain-Insigne-Callejon përballë 4-4-2 të Juventusit me Dybala dhe Morattan në majën e sulmit, nisi me një ritëm të lartë ku sinjalin e parë e dha Kulibaly në minutën e 5, ndërsa në të 20-ën, Pogba u tregua i pasaktë. Hysaj bëri një ndërhyrje vendimtare 9 minuta më pas duke devijuar të majtën e Dybalas. Ishte sërish mbrojtësi shqiptar që në të 35-ën u bë protagonist me një krosim të adresuar tek Higuain, por Bonucci e shpëtoi Juventusin nga një gol pothuajse i sigurt duke e larguar topin jashtë vijës fundore. Ishte sërish Higuain që tentoi të godiste një top të krosuar nga Callejon në minutën e 38-të. Ritëm i lartë gjatë gjithë pjesës së parë por edhe frikë për të mos pësuar. Fraksioni i dytë nisi me një aksion personal të Insignes që krijoi panik në zonën bardhezi por Buffon bllokoi topin, ndërsa në të 51-ën, Hysaj arriti të devijonte në goditje këndi një top të nisur nga këmbët e Evra.

Ndeshja e Bonuccit përfundoi në minutën e 52-të pasi mbrojtësi italian u zëvendësua nga Rugani për shkak të një dëmtimi. Mungesa e qartësisë në repartin e sulmit e detyyroi Allegrin të nxirrte nga fusha e lojës Morattan për të hedhur në fushë Zaza-n, ndërsa në minutën e 63 Dybala gaboi shënjestrën me vetëm pak centimetra duke mos finalizuar saktësisht asistin e dhuruar nga Pogba. Në krahun tjetër,

Hamsik lëshoi një silur (80) por e majta e sllovakut përfundoi pak mbi transversën e Buffon. Kur takimi dukej se kishte marrë një rrjedhë të pakthyeshme, Simone Zaza ndriçoi stadiumin e Juventusit me një gol që ka peshën e një sezoni të gjatë. 1-0 dhe koha e mbetur në dispozicion të Napolit ishte e pamjaftueshme. Të kaltërit e Sarrit rrëzohen në tapetin e gjelbër të kampionavë dhe dorëzojnë kreun e klasifikimit. Beteja tashmë do të vazhdojë në distancë, 13 javët e fundit do të jenë vendimtare për fatet e këtij sezoni.

(Supersport)

Sondazh

Më shumë në këtë kategori: « Flet agjenti: Kampionati Europian, objektivi kryesor i Manajt
Tirana avancon pa zhurmë, Partizani ngec në Shkodër »
Article Logic
Execution time: 0.0295250415802
array(1) { ["section"]=> string(63) "juventusi-ne-krye-zaza-rrezon-napolin-ne-minutat-e-fundit-32506" }