Kampion i trefishtë i Europës pa doping, Çalja: I zhgënjyer nga neglizhenca e qeverisë

Publikuar tek: sport, më 18:11 23-04-2018 Kampion i trefishtë i Europës pa doping, Çalja: I zhgënjyer nga neglizhenca e qeverisë

Briken Çalja, peshëngritësi kampion i Europës me tre medalje ka dalë përfundimisht i pastër nga testet anti-doping pasi tashmë ka kaluar çdo afat i analizave.

Por Çalja nuk ngurron të shprehë zhgënjimin për indiferencën që kanë treguar instancat politike dhe sportive.

Në një postim në Facebook, Çalja shkruan: Edhe sot, kur çdo afat i përgjigjeve antidoping ka mbaruar dhe vërtetohet që asnjë gram i çfarëdo substance të ndaluar nuk ka prekur në trupin tim prapë indiferenca ndaj meje dhe suksesit historik të Bukureshtit qëndron stoike.

Media vazhdon të flasë për sukseset yjeve të huaj duke harruar ata që i dhanë krenari këtij vendi që rrallë herë është dalluar për dominime absolute në çfarëdo lloj fushe qoftë.

Postimi i plotë

ÇDO TË THOTË TË JESH KAMPION I TREFISHTË ABSOLUT I EVROPËS?!

Përmes vuajtjeve, stërmundimeve, djersës së derdhur, dhe ëndrrave të një jete realizova triumfin historik për vendin tim, Kampion i trefishtë në ar i Evropës.

Midis emrash dhe legjendash të peshëngritjes shqiptare arrita të gdhend emrin tim krah tyre dhe historisë e këtij sporti.

I kam dhënë shumë këtij sporti dhe këtij vendi pa marrë të njëjtën përgjigje nga ata që jetojnë e përfaqësojnë këtë vend, shoqëri, media apo përfaqësues qeveritarë.

Prapë vazhdova i vetëm, me ëndrrat nën vete, i fortë dhe i palëkundur.

Edhe sot, kur çdo afat i përgjigjeve antidoping ka mbaruar dhe vërtetohet që asnjë gram i çfarëdo substance të ndaluar nuk ka prekur në trupin tim prapë indiferenca ndaj meje dhe suksesit historik të Bukureshtit qëndron stoike.

Media vazhdon të flasë për sukseset yjeve të huaj duke harruar ata që i dhanë krenari këtij vendi që rrallë herë është dalluar për dominime absolute në çfarëdo lloj fushe qoftë.

Prapë do të vazhdoj i vetëm, me ëndrrat nën vete, i fortë dhe i palëkundur.

Në momentin që preka tokën shqiptare, edhe pas zhgënjimeve të panumërta nga instancat qeveritare prapë besoja se e meritoja të paktën një pritje të denjë nga ata që e përfaqësojnë këtë vend por më kot.

Gjithsesi, unë e mora pritjen që doja nga njerëz që më vlerësojnë.

Doja të falenderoja të vetmit që më kanë mbështetur, pritur dhe përgëzuar duke filluar nga familja ime, Cufo Fitness, Mojo Production, Kreshniku, Dashamir Xhika pa harruar dhe Bashkinë e Cërrikut dhe Bashkinë e Tiranës.

Besoj se heronjtë e vërtetë të këtij vendi nuk janë ato që dalin përditë dhe propagandojnë qëllimet e tyre po jemi ne, që me përpjekjet dhe arritjet tona ngremë lart flamurin kombëtar, flamurin e këtij vendi me 1001 probleme por krenar në zemër.

I trefishtë në ar, dhe i zhgënjyer.

Ja çdo të thotë të jesh kampion absolut i Evropës.

Briken Calja

asdfwegfwqg3g.jpg

Sondazh

Më shumë në këtë kategori: « Trajneri i Kukësit 'shpërthen' pas ndeshjes: SKANDALOZE, e mora ekipin në vendin e katërt
»
Article Logic
Execution time: 0.03567099571228
array(1) { ["section"]=> string(91) "kampion-i-trefishte-i-europes-pa-doping-calja-i-zhgenjyer-nga-neglizhenca-e-qeverise-118010" }