Kapet në Sarandë polaku i shpallur në kërkim ndërkombëtar, ja për se është dënuar

Publikuar tek: aktualitet, më 19:43 13-03-2018 Kapet në Sarandë polaku i shpallur në kërkim ndërkombëtar, ja për se është dënuar Foto ilustruese

Një shtetas nga Polonia është arrestuar në Sarandë pasi ndaj tij ishte lëshuar urdhër arresti ndërkombëtar për veprën penale të mashtrimit në shtetin e tij.

Polaku Przemyslaë Pasternak pritet të ekstradohet drejt vendlindjes për vuajtjen pjesës së mbetur të dënimit.

Njoftimi i Policisë:

Kapet dhe arrestohet një shtetas i shpallur në kërkim ndërkombëtar me qëllim ekstradimi drejt Polonisë.

Arrestimi nga Policia e Sarandës në bashkëpunim me Interpol Tirana.

Më datë 13.03.2018, Komisariati i Policisë Sarandë në bashkëpunim me ZQK Interpol Tirana, kapën dhe arrestuan përkohësisht me qëllim ekstradimi drejt Polonisë, shtetasin polak të shpallur në kërkim ndërkombëtar:

- Przemyslaë Pasternak, 38 vjeç, lindur në Poloni.

Gjykata Rajonale Poznan/Poloni me vendim nr. III K 549/08 të datës 22.04.2013 e ka dënuar këtë shtetas me 4 vjet e 6 muaj, (mbetur për të vuajtur 3 vjet, 6 muaj dhe 22 ditë burgim), për veprat penale, “Mashtrim dhe Falsifikim”, parashikuar nga nenet 286/1 dhe 294, 297 të Kodit Penal Polak, pasi ky shtetas në lokalitetin Ponznan/ Poloni prej vitit 2004 deri në vitin 2006 nëpërmjet mashtrimit ka paraqitur dokumentacion të falsifikuar lidhur me punësimin e disa personave me aftësi të kufizuar duke i shkaktuar një kompanie një dëm në shumën e parave 2 943 991 ( polake ).

ZQK Interpol Tirana, në bashkëpunim me Prokurorinë e Përgjithshme dhe Ministrinë e Drejtesisë dhe ZQK Interpol Ëarsaë po kryejnë të gjitha veprimet procedurale për ekstradimin e këtij të kërkuari drejt Polonisë.

Sondazh

Më shumë në këtë kategori: « Kopjimi i projektit të Teatrit Kombëtar, reagon arkitektja e dizajnit origjinal (Foto)
Jepet alarmi: Rikthehet fruthi në Shqipëri »
Article Logic
Execution time: 0.0044379234313965
array(1) { ["section"]=> string(87) "kapet-ne-sarande-polaku-i-shpallur-ne-kerkim-nderkombetar-ja-per-se-eshte-denuar-113152" }