Kim Jong-un i shkruan Trump-it, zbardhet letra

Publikuar tek: bota, më 23:58 12-07-2018 Kim Jong-un i shkruan Trump-it, zbardhet letra

Presidenti amerikan Donald Trump tha të ejten se ai mori një letër "shumë të mirë" nga udhëheqësi i Koresë së Veriut Kim Jong Un që vlerëson përpjekjet e udhëheqësit amerikan për përmirësimin e marrëdhënieve mes dy vendeve dhe për të zbatuar një deklaratë të përbashkët të nënshkruar nga udhëheqësit në Samitin e tyre të Singaporit në muajin qershor.

Presidenti Trump postoi në Twitter një fotografi të letrës së bashku me përkthimin në anglisht, duke thënë se përmbajtja e letrës së udhëheqësit koreanoverior tregon se "po bëhen përparime të mëdha".

"Unë besoj fuqimisht se vullneti i fortë, përpjekjet e sinqerta dhe qasja unike nga unë dhe Shkëlqesia Juaj zoti President që ka për qëllim një të ardhme të re mes Koresë së Veriut dhe Shteteve të Bashkuara me siguri se do të realizohet", thuhet në letrën e udhëheqësit koreanoverior Kim Jong Un.

Letra u publikua në të njëjtën ditë kur doli njoftimi se zyrtarë të Koresë së Veriut nuk u paraqitën për një takim me homologët e tyre amerikan të enjten për të biseduar mbi kthimin e trupave të amerikanëve që vdiqën gjatë Luftës së Koresë në fillim të viteve 1950, në një shenjë të re të rritjes së tensioneve mes dy vendeve, raporton VOA.

Zyrtarët amerikanë prisnin që negociatorët e Koresë së Veriut të paraqiteshin për diskutime në zonën e çmilitarizuar të Gadishullit Korean pasi Sekretari i Shtetit Mike Pompeo mendoi se kishte arritur një marrëveshje për këtë takim në diskutimet e javës së kaluar në Phenian rreth zotimit të Koresë së Veriut për t'i dhënë fund programit të saj të armëve bërthamore .

Sondazh

Më shumë në këtë kategori: « Zbulohet medikamenti që lufton kavitetet dhe rrit dhëmbët nga e para
Të dyshuar për terrorizëm, arrestohen 16 persona në Turqi »
Article Logic
Execution time: 0.0041499137878418
array(1) { ["section"]=> string(52) "kim-jong-un-i-shkruan-trump-it-zbardhet-letra-127716" }