Kontrolle të befasishme në lokale, sekuestrohen drogë, armë e municione luftarake, pranga të kërkuarit nga Krimi Ekonomik! Në polici 11 persona (VIDEO)

Publikuar tek: aktualitet, më 08:37 11-10-2018 Kontrolle të befasishme në lokale, sekuestrohen drogë, armë e municione luftarake, pranga të kërkuarit nga Krimi Ekonomik! Në polici 11 persona (VIDEO) Nga aksioni

Forca e Ligjit në veprim godet sërish në Fier, sekuestrohen drogë, armë, municione luftarake si edhe një sërë provash të tjera.

Arrestohet një i shpallur në kërkim nga Hetimi për Krimin Ekonomik dhe shoqërohen në polici 11 persona.

Komisariati i Policisë Fier në bashkëpunim me Drejtorinë Vendore të Policisë Fier, të mbështetura nga FNSH, kanë bërë kontrolle të befasishme në lokale, akse rrugore dhe ambiente të ndryshme. Kontrollet për kapjen e personave në kërkim, të atyre që qarkullojnë me armë zjarri apo që tentojnë të shpërndajnë lëndë narkotike.

Kontrolli i territorit me qëllim parandalimin e ngjarjeve kriminale, kapjen e autorëve të ndryshëm të veprave penale, si edhe zbardhjen e ngjarjeve të mëparshme.

Gjatë kontrolleve u shoqëruan për verifikim 11 persona kryesisht me precedent penal të dyshuar për "Armëmbajtje pa leje" dhe për "Vjedhje".

Si rezultat i kontrolleve, në një lokal në Zhupan, u kap me armë zjarri  shtetasi Aleksandër Hoxhaj, 37 vjeç, banues në Zhupan, i cili ishte shpallur në kërkim nga Seksioni për Hetimin e Krimit Ekonomik për veprën penale "Falsifikimi i letërnjoftimeve, pasaportave apo vizave".

Sapo ka parë policinë të hyj në lokal, shtetasi Aleksandër Hoxhaj ka hequr armën nga brezi dhe e ka hedhur nga dritarja e lokalit por falë veprimeve të shpejta të policisë u konstatua veprimi i tij dhe u arrestua në flagrancë.

Gjatë kontrollit të banesës së këtij shtetasi ju gjetën:

  • •15 paketime me lëndë narkotike e dyshuar Cannabis Sativa me peshë 43.5 Kg
  • •3 dokumente të falsifikuara: pasaportë, kartë identiteti dhe leje drejtimi automjeti në gjuhën Greke me foto të këtij shtetasi.
  • •Sende të ndryshme të dyshuara që përdoren për kryerjen e vjedhjeve: 2 matrapikë, 2 leva metalike, 1 maskë me ngjyrë të zezë, 1 palë dorashka, 1 tub metalik që shërben për hapjen e dyerve, 1 pincë etj.
  • •Sende që dyshohen se i ka vjedhur: 3 kompjuterë lap-top dhe 1 kasafortë metalike.
  • •34 fishekë pistolete dhe automatiku.

Kontrollet bën me dije policia, do vijojnë në gjithë Qarkun e Fierit për parandalimin dhe goditjen e paligjshmërisë, me qëllim rritjen e parametrave të sigurisë.

 

Sondazh

Më shumë në këtë kategori: « IKMT aksion sot te ‘Syri i Kaltër për 16 objekte pa leje, 5 kabina "të privilegjuara" për mos t’u prishur
3 milion euro drogë nga Shqipëria drejt Italisë, sekuestrohet gomonia në Adriatik »
Article Logic
Execution time: 0.023460865020752
array(1) { ["section"]=> string(152) "kontrolle-te-befasishme-ne-lokale-sekuestrohen-droge-arme-e-municione-luftarake-pranga-te-kerkuarit-nga-krimi-ekonomik-ne-polici-11-persona-video-137389" }