Kryeministri Rama në SHBA me ftesë të “Fondacionit Klinton”

Publikuar tek: politike, më 19:17 01-09-2015 Kryeministri Rama në SHBA me ftesë të “Fondacionit Klinton”

Muaji shtator do të mbledhë bashkë në takimin vjetor të Nju Jorkut më shumë se 1000 emrat më të suksesshëm ndërkombëtarisht që vijnë nga bota e biznesit, politikës apo shoqërisë civile.

Eventi që mban emrin “Impakti i së ardhmës” tashmë është kthyer në traditën e dekadës së fundit, ku udhëheqës të ndryshëm dakordojnë së bashku mbi mënyrën se si do të zgjidhin disa nga sfidat globale.

Organizatorët e këtij takimi të rëndësishëm janë pikërisht familja Clinton, të cilët kanë edhe fondacionin që mban emrin e tyre.

Të gjithë pjesëmarrësit do të nxjerrin në pah pikat ku duhet punuar më shumë, në mënyrë që të sjellin progres në botën ku ne sot jetojmë.

Disa nga sfidat që pritet të diskutohen janë ndryshimi i klimës, barazia gjinore, shëndetësia në rang global dhe nxitja e njerëzve për të bërë më shumë bamirësi.

Pjesë e këtij eventi të rëndësishëm pritet të jetë edhe kryeministri Edi Rama si edhe Presidentja e Kosovës, Atifete Jahjaga.

Po ashtu, “Fondacioni Clinton” iu ka dërguar ftesë edhe disa prej liderëve të tjerë botërorë, si edhe përfaqësueve të organizatave të ndryshme ndërkombëtare, transmeton TCh.

Deri më sot, takime të këtij lloji kanë marrë më shumë se 3200 angazhime të cilat kanë përmirësuar jetën e më shumë se 430 milionë njerëzve në 180 vende të botës. Edhe këtë herë priten mënyra innovative për të hartuar zgjidhje sa më konkrete si edhe efektive.

Sondazh

Më shumë në këtë kategori: « Eno Bozdo replikë me Veliajn pas përfitimit të banesës nga Tonin Tërshana
Gramoz Ruçi nis organizimin për 150 mijë anëtare, zbardhen detyrat për degët në rrethe »
Article Logic
Execution time: 0.021091938018799
array(1) { ["section"]=> string(63) "kryeministri-rama-ne-shba-me-ftese-te-fondacionit-klinton-19713" }