Ligji i Magjistraturës, reagon Kryemadhi: Nuk do të bëj pazare me Edi Ramën, është pjesë e fantazisë së tij të sëmurë

Publikuar tek: politike, më 13:53 11-07-2018 Ligji i Magjistraturës, reagon Kryemadhi: Nuk do të bëj pazare me Edi Ramën, është pjesë e fantazisë së tij të sëmurë Monika Kryemadhi

Pas deklaratës së socialistit Taulant Balla i cili tha se janë në negociata me LSI për të votuar ligjin për emërimin e Magjistratëve, ka reaguar kryetarja e LSI, Mokina Kryemadhi.

“LSI nuk do të jetë kurrë pjesë e pazareve për të shpëtuar Edi Ramën!

Asnjë marrëveshje apo bisedim nuk ka dhe nuk do të këtë për t’i zgjatur agoninë kësaj qeverie, që e zhytur në krim, trafiqe të paligjshme dhe korrupsion po përpiqet, që në grahmat e fundit, të mundet të shpëtojë me manipulime të tilla”, shprehet Kryemadhi.

Sipas saj, LSI ka qënë dhe do të jetë pro dhe pjesë e çdo takimi apo tryeze, që trajton dhe diskuton përmirësimin e jetës së shqiptarëve dhe largimin e klikës së Edi Ramës.

Çdo përpjekje tjetër për ta përfshirë LSI në bisedime është thjesht pjesë e fantazisë së sëmurë të Edi Ramës, që sot më shumë se kurrë është i gatshëm të blejë e të shesë çdo gjë e çdokënd në emër të pushtetit, por që duhet t’a ketë më shumë se kurrë të qartë, se për të shpëtuar karrigen e tij nuk do ketë kurrë ndihmën e LSI.

Kryemadhi bën me dije se do të vazhdojnë të jenë pjesë e opozitës së bashkuar, me qëllimin e qartë dhe të saktë, largimin e pushtetit banditesk të Edi Ramës!

“Të shpëtosh sot Edi Ramën do të thotë të shkatërrosh përfundimisht të ardhmen e shqiptarëve, dhe këtë mëkat LSI nuk e merr në kurriz”, shkruan kryetarja e LSI në postimin e saj.

 

Sondazh

Më shumë në këtë kategori: « Paloka i përgjigjet Ballës: Derrkuci me Yaris shpreson ta shpëtojë shoku i klasës në Prokurorinë e Tiranës
Tension në Komisionin e Ligjeve, Paloka PËRBALLET LIVE me Markun: Për çfarë je aty, për të marrë rrogën? Mendon se do… »
Article Logic
Execution time: 0.28745412826538
array(1) { ["section"]=> string(121) "ligji-i-magjistratures-reagon-kryemadhi-nuk-do-te-bej-pazare-me-edi-ramen-eshte-pjese-e-fantazise-se-tij-te-semure-127546" }