Ligji për Arsimin/ Nikolla: E zhgënjyer nga presidenti, për shurdhërinë partiake të tij

Publikuar tek: politike, më 13:11 14-08-2015 Ligji për Arsimin/ Nikolla: E zhgënjyer nga presidenti, për shurdhërinë partiake të tij Lindita Nikolla

Ministrja e Arsimit Lindita Nikolla reagon flakë për flakë pas rikthimit në Kuvend të ligjit për Arsimin e Lartë nga presidenti Bujar Nishani.

Nishani ka sulmuar presidentin duke komentuar se ndodhet në një qëndrim aspak mbi palët. Nikolla, një nga aktorët kryesorë të ‘’luftës’’ për miratimin e ligjit në Kuvend pas refuzimit të deputetëve të opozitës dhe një pjese të konsiderueshme të pedagogëve, ka deklaruar se është e zhgënjyer nga shurdhëria partiake e presidentit në argumentimin e hollësishëm të refuzimit të dekretimit.

“E zhgënjyer me qëndrimin aspak mbi palët të preesidentit. E zhgënjyer me shurdhërinë partiake të presidentit në argumentimin e hollësishëm. Procesi i hartimit të ligjit ishte gjithëpërfshirës”, ka reaguar Nikolla.

“E zhgënjyer me qëndrimin aspak mbi palët të Presidentit të Republikës dhe me shurdhërinë e tij partiake ndaj argumentimit të hollësishëm të Komisionit të Reformës së Arsimit të Lartë dhe Kërkimit Shkencor, ku rikujtoj se bëjnë pjesë ekspertët më të spikatur shqiptarë të fushës pa dallime prirjesh e bindjesh politike. E zhgënjyer me faktin që Zoti President shpërfilli produktin profesional të një procesi gjithëpërfshirës dëgjesash e konsultimesh që si rrallë herë u shtri në më shumë se një vit, duke i dhënë mundësi e hapësirë të gjerë demokratike çdo zëri të veçantë, çdo institucioni të arsimit të lartë, çdo grupi e komuniteti pedagogësh e studentësh të interesuar për të thënë fjalën e tyre.

Por e zhgënjyer gjithashtu me faktin se Presidenti bëhet palë me pakicën politike dhe me pakicën shumë të vogël të pedagogëve që e kundërshtuan Ligjin e Arsimit të Lartë verbërisht, ndërkohë që për Presidentin mbështetja dhe përgëzimi publik që ky ligj mori nga Drejtoria e Përgjithshme e Arsimit të Komisionit Evropian, si edhe nga një numër i vyer ekspertësh të shquar evropianë, nuk paska asnjë vlerë.

Megjithatë, ky qëndrim antireformist i radhës nga ana e Presidentit të Republikës, nuk e lëkund aspak, përkundrazi e përforcon bindjen dhe vullnetin e shumicës sonë për ta rivotuar Ligjin e Arsimit të Lartë sapo të çelet sesioni i ri parlamentar. Arsimi i Lartë nuk do të jetë më as bajrak i partive politike, as tokë e djegur nga disa bajraktarë që duan ta mbajnë peng atë. Koha kur konkurenca dhe merita abuzoheshin papushim në emër të një autonomie të kufizuar vetëm në kuadrin e papërgjegjshmërisë ndaj prindërve e studentëve, ka marrë fund”, tha Nikolla.

Sondazh

Më shumë në këtë kategori: « Blerim Çela: Braçe po bën më shumë opozitë se PD. Dhe...sms-ja që i çoi Bashës
Meta: S’kemi frikë nga koalicioni PS-PD. LSI ka lindur nga kurajoja »
Article Logic
Execution time: 0.0046110153198242
array(1) { ["section"]=> string(90) "ligji-per-arsimin-nikolla-e-zhgenjyer-nga-presidenti-per-shurdherine-partiake-te-tij-18373" }