Luiza Gega, medalje e artë dhe rekord në Stamboll

Publikuar tek: sport, më 19:00 17-02-2017 Luiza Gega, medalje e artë dhe rekord në Stamboll

Viti 2017 ka nisur në mënyrë të jashtëzakonshme për Luiza Gegën. Atletja shqiptare vazhdon të koleksionojë medalje në mitngjet e ndryshme europiane, ndërsa këtë të premte triumfoi në Mitingun Ndërkombëtar të Sallave të Mbyllura në Stamboll të Turqisë.

28-vjeçarja fitoi garën e 1,500 metrave, duke marrë edhe medaljen e artë. Në suksesin e arritur, atletja dibrane regjistroi kohën 4:06:65, që është edhe një rekord i ri kombëtar në këtë disiplinë. Gega përmirësoi me 24 të qindtat rekordin e mëparshëm kombëtar të 1,500 metrave, të cilin e mbante po ajo vetë.

Turneu në Stamboll ishte i treti për atleten kuqezi në këtë fillim viti me medaljet që nuk kanë munguar në asnjë rast. Fillimisht kampionia shqiptare fitoi medaljen e argjendit në garën e 1,500 metrave në Mitingun Ndërkombëtar të Ostravës, në Republikën Çeke, shkruan "Shqip".

Vetëm një javë më parë, Luiza Gega kishte marrë një tjetër medalje, këtë herë të bronztë në Paris, ku me kohën e regjistruar në kryeqytetin francez theu rekordin kombëtar të garës së 3,000 metrave për salla të mbyllura, që rezistonte prej 21 vjetësh.

Sondazh

Më shumë në këtë kategori: « Ndahet nga jeta legjenda e boksit, “Roki Balboa” shqiptar nuk jeton më
‘Fanatics’ merr vendim për derbin: Është koha të tregojmë forcën »
Article Logic
Execution time: 0.026968002319336
array(1) { ["section"]=> string(54) "luiza-gega-medalje-e-arte-dhe-rekord-ne-stamboll-69076" }