Marjana Kondi PRO një Teatri të ri: Më pëlqen e reja, modernia, nuk e kërkoj për vete…

Publikuar tek: kulture-art, më 15:18 20-06-2018 Marjana Kondi PRO një Teatri të ri: Më pëlqen e reja, modernia, nuk e kërkoj për vete… Robert Ndrenika dhe Marjana Kondi

Debati për ndërtimin e një Teatri të ri, i ka ndarë aktorët në dy “kampe”, ata që janë pro dhe ata që janë kundër.

Aktorja e njohur Marjana Kondi nëpërmjet një reagimi në rrjetet sociale ka shprehur qendrimin e saj në lidhje me këtë çështje, duke thënë se është pro ndërtimit të një Teatri të ri. Vendimin për të qenë pro, aktorja e argumenton duke u shprehur se artistët kanë nevojë të kenë një Teatër me kushte të mira dhe kapacitete të larta.

“Kjo gjendje shton nevojën për të kërkuar një teatër të ri, të mirëmbajtur, me të gjithë elementët teknik si hapësira skenike, akustika, numri i sallave, elementët audio dhe ndriçim, kapacitet të lartë të vendeve për publikun, ambiente bashkëkohore pune për aktorët”- shkruan Kondi.

Sakaq, shton se i pëlqen e reja dhe modernia dhe një Teatër të ri e kërkon për brezat që do vijnë.

Reagimi i plotë i Marjana Kondit:

E kuqja e teatrit, një ngjyrë, gjendje shpirtërore dhe një kujtim...

Kujtimet mbeten. Impresionin e parë si aktore ajo sallë ma transmetoi nëpërmjet të kuqes, llozhave, poltronave dhe perdes kadife. Nuk shihja për herë të parë teatër të këtij stili,por ndjesia ishte e tillë. Atyre viteve unë isha nismëtare e një kauze për mbrojtjen e "Estradës së Shtetit" së bashku me kolegë të mi. Sot nuk dua që historia të përsëritet, por si artiste e skenës nuk mund të jem indiferente ndaj kauzës së prishjes dhe rindërtimit të "Teatrit Kombëtar" dhe zgjedh të jem faktor në krah të kolegëve.

Gjithmonë realiste, në mbrojtje të artit dhe institucioneve kulturore. Perdja e kuqe e "Teatrit Kombëtar" e cila më impresionoi aq shumë, nuk arriti të më zërë sytë dhe la zbuluar teatrin përpara meje. Përtej së kuqes, llozhave, poltronave dhe perdes kadife, lëngonte një teatër i amortizuar e i braktisur nga instancat shteterore.

E kuqja e sallës ishte skuqja nga turpi i këtij shpirti që vuante. Të tillë për fatin e keq e gjej dhe sot. Kjo gjendje shton nevojën për të kërkuar një teatër të ri, të mirëmbajtur, me të gjithë elementët teknik si hapësira skenike, akustika, numri i sallave, elementët audio dhe ndriçim, kapacitet të lartë të vendeve për publikun, ambiente bashkëkohore pune për aktorët.

 Dhe këtë se kërkoj për vete por për gjeneratat qe do vijnë. Kërkesa për një teatër të tillë (pa cënuar asnjë centimetër nga territori ekzistues). Jam e dëshiruar të luaj në një skenë të tillë. Një skenë e cila i përgjigjet më së miri nivelit artistik të kolegëve të mi.

Një teatër i cili lejon të prehen të qetë shpirtrat e emrave të mëdhenj që kanë dhënë aq shumë për artin shqiptar. Unë si person nuk pushtohem nga nostalgjia. Më pëlqen e reja, modernia, e ardhmja... Ndaj mbështes cdo iniciativë që kërkon ti jap kombit,qytetit,publikut,aktorve,regjisorëve një teatër qe kemi dashur,por pa gjymtuar shtratin e sotshem te teatrit.

E cilësoj, pa cënuar shtratin e sotshëm të teatrit. Thyhem kur flitet për teatrin sepse i kam një teater e shpirt. Ne duhet të shtrëngojmë në zemër të kaluarën dhe të drejtojmë shikimin nga e ardhmja. Me shpresën që të bëhet më e mira për të gjithë ne.

35737166_10213020825857366_3370629796336762880_n.jpg

Sondazh

Më shumë në këtë kategori: « Arben Meksi fiton Çmimin Ndërkombëtar për karikaturën
»
Article Logic
Execution time: 0.022104024887085
array(1) { ["section"]=> string(89) "marjana-kondi-pro-nje-teatri-te-ri-me-pelqen-e-reja-modernia-nuk-e-kerkoj-per-vete-125139" }