Mbipopullimi i burgjeve, Manjani: Kam nisur procedurat e amnistisë. Ja kush përfiton

Publikuar tek: politike, më 23:28 30-11-2015 Mbipopullimi i burgjeve, Manjani: Kam nisur procedurat e amnistisë. Ja kush përfiton

Ministri i Drejtësisë, Ylli Manjani në një intervistë për emision “Tonight” në Ora News tha se ka nisur procedurat për amnisti, që do të përfshijnë krimet e lehta, gratë ose të miturit, por ai tha se nuk është marrë ende një vendim përfundimtar.

Kreu i Ministrisë të Drejtësisë tha se kostoja e një të burgosuri në vendin tonë është 800 euro në muaj.

Manjani  ka paralajmëruar se ligji për dekriminalizimin do të prekë edhe punonjësit e burgjeve. Ai tha se nëse vërtetohet se dikush ka qenë i dënuar ai do të shkarkohet menjëherë nga puna.

Pjesë nga intervista:

Do të propozoni emra te Presidenti për amnisti?

Amnistia është një procedurë që bëhet me ligj edhe Presidenti ushtron të drejtën e faljes. Kam proceduar për hir të vërtetës një procedurë amnistie , të shikojmë se si do ta implementojmë.Por më përpara do më duhet të marr mendimet e kolegëve ministra që kanë një rol të drejtpërdrejtë në këtë histori, pastaj mendoj se do jemi në një qëndrim më të pjekur.

Cilat krime po aministon ose çfarë dënimesh do të jenë pjesë e kësaj amnistie?

Më mirëkuptoni, unë kaq mund t’iu them , që po e kam nisur një procedurë si Ministër i Drejtësisë .

Sa mund të jenë të burgosurit që do të preken nga kjo?

Arsyeja pse mora këtë është mbipopullimi. Është çështje e ngritur për hir të vërtetës dhe nga Avokati i Popullit edhe nga Organizatat Ndërkombëtare.Sigurisht flitet për gjera të lehta, për të mitur dhe për gra. Për gjëra të kësaj natyre jo për krime të rënda.

Si janë kushtet në burgje?

Kushtet janë si burgje në Shqipëri. Ka shtëpi të mira ka dhe shtëpi të këqija. Kostoja mesatare e një të burgosuri është 800 euro në muaj. Kjo është një problem i madh.

Kam nxitur dhe do të nxis takimin me Prokurorin e Përgjithshëm dhe do ta bëj këtë gjë por po ta them paraprakisht.Duhet të nxis marrjen e masave alternative.Ka shumë masa alternative, ka një ligj për këtë punë.Për shëmbull ne kemi rreth 100 byrzylykë të gatshëm elektronikë dhe përdoren diku te 20 që është shumë pak.

Po pse nuk përdoren?

Sepse edhe gjykatat nuk janë mësuar me këtë lloj qasje të re apo prokurorët duhet të jenë pak më të bindur që kjo teknologji funksionon.

Ka disa drejtorë burgjesh që janë në pozicion edhe pse kanë qenë të dënuar më parë për vepra të ndryshme. Ky dekriminalizimi do të hyjë dhe në këtë fushë?

Kush janë të shkarkohen sonte…

Do të shkarkohen sonte?

Mi thoni kush janë. Kush ka probleme me ligjin e dekriminalizimit do të shkarkohen.

Një rast që po më thonë mua është i dënuar në 1996, është dënuar me një muaj burg, por është akoma në detyrë.

Nëse është kështu është i mbaruar. falenderojmë atë që e ka thënë këtë dhe nëse e vërteton që ka dalë e vërtetë ka marrë fund.

Si ndiheni kur dëgjoni deklaratat e ambasadorëve?

Unë jam mësuar, por sigurisht që fakti që kapërcen edhe etiken diplomatike është alarmuese dhe shqetësuese. Atë qe ne e kemi thënë në shqipt që ka një nivel korrupsioni që është i patolerueshëm dhe kur kjo vjen nga partnerët e huaj është shqetësuese.

Cfarë i kanë shtyrë të flasin me emra konkret?

Diplomatët e huaj gjithmonë kështu kanë folur. Nuk kanë folur në publik, por aty ku është dashur kanë folur.

Kush mendoni se i tremben?

Ndaj mendimin me ambasadorin. Nuk kemi arsye të fshihemi pas gishtit. Qeveria është objekti i sulmit. Qeveria është ajo që administron fonde publike.

Keni informacion për emra konkret?

Kemi deputet ndaj të cilëve është ngritur akuza për ndjekje penale.  Sistemi që kemi ndërtuar është difektoz. Në Shqipëri duhet të ndërtojmë një sistem hetimi njëherë. Sistemi që është zgjedhur është i gabuar

……………

Manjani:Çështja e deklarimit të pasurive është një çështje shumë shqetësuese, sepse megjithë zhvillimet pozitive që ka në ILDKP unë mendoj se duhet një ILDKP edhe më aktive sesa kjo sot. Pra duhen inspektorë që të dalin në terren dhe ta shofin fizikisht ku është banesa, ku hyn dhe ku del zyrtari.

Cfarë i ka penguar deri tani të dali, të shohë makinën, udhëtimet që bën..?

Ka një rutinë që të merr kohën e punës, e para dhe e dyta burimet njerëzore nuk janë gjithmonë të mjaftueshme, e treta volume i çështjeve që ILDKP do të duhet të verifikojë është i jashtëzakonshmë.

Po, por të përzgjidhet…

Duke u përzgjedhur fillon çështja e selektivitetit dhe në Shqipëri gjithçka kritikohet. Megjithatë nuk justifikohet, të jemi realist. Do të duhet të ndërtojë një gjë edhe më aktive sesa është sot dhe gjithmonë me një proces të rregullt. Që do të thotë: Personi që investigohet, që hetohet administrativisht duhet të ketë dijeni për këtë histori.

A ka përgjegjësi politika për degradimin e sistemit të drejtësisë?

Unë mendoj se politika ka qenë prezente në funksionimin e gjyqësorit, direkt ose indirekt. Ka pasur aludime për ndërhyrje direkte, por që këto mbeten aludime përsa kohë që nuk ka prova, por mendoj që mënyra e të bërit politik, vendimmarrja, ligjet e cunguara të miratuara në gjithë këto vite, të zhytura hera herës edhe në konflikt interesi. Besoj që janë mëkatet e politikës në raport me gjyqësorin, kështu që nga kjo pikëpamje…

Pse duhet ta besojme që politika është e sinqertë dhe po e bën reformën siç duhet?

Jo, nuk besoj se është e sinqertë ende për hir të së vërtetës. Por nëse doni të bëjmë një analizë, kjo është analiza. Politika ka mëkatet e veta dhe nuk diksutohet. Ashtu sic edhe gjyqësori ka problemet e veta. Sot largimi i gjyqtarëve nga sistemi është thuajse e pamundur, me sistemin legale që kemi. Sepse kemi harxhuar shumë kohë me kush emëron kë dhe si mbrohen njerëzit. Pa menduar sesi nuk kërkohet hesap dhe e bëjnë apo nuk e bëjnë punën, kjo është thelbi i gjësë.

A mendoni se përfshirja e politikës deri në këtë fazë të procesit të reformës se ka zhbërë besimin se kjo reformë do të ndërtonte një sistem të mirë drejtësie?

Politika ka drejtuar gjithë këto vite për të prishur besimin e publikut tek gjyqësori në tërësi, besim i cili është gjithmonë i tronditur. Sepse 50% e atyre që nuk fitojnë gjyqin kanë prirje të natyrshme për ta sharë gjyqësorin dhe nëse këtij 50% i shtohet deklarimi politik i tensionuar dhe ekstrem, sigurisht që edhe 50% tjetër që ka fituar gjyqin ose ata që nuk kanë shkuar në gjyq, do ti cojë ndonjëherë halli për të shkuar dhe më mirë thonë nuk po shkoj. Sepse kjo është klima që kemi krijuar të gjithë, kush më pak dhe kush më shumë në politikë është krijuar kjo histori dhe mendoj se ka qenë e gabuar.

Është vetëm perceptim, nuk ka patur raste që duhet të kishin përfunduar përpara drejtësisë?

Të jemi realist, shumica është perceptim. A ka patur raste? Ka patur raste dhe kanë përfunduar para drejtësisë.

Zyrtarë të lartë?

Cfarë do me thënë zyrtarë të lartë?

Se po të shohësh Parlamentin të enjten midis politikanëve flitet për vjedhje për abuzim vrasje…

Po pse vetëm të enjten…

Po marr të enjten sepse është një shfaqje politike…

Këtë po them, e ka tejkaluar cdo lloj etike komunikimi, cdo lloj emetimi, mesazhes duke folur vetëm për këtë histori, duke bërë herë gjykatësin dhe herë prokurorin dhe vetëm politikanin jo. Dhe si presim ne që të besohet gjykata, prokuroria pas kësaj nëse vendimet e tyre kontestohen për diçka ose për gjithçka. PSh u lirua filani nga burgu. Më falni, por detyra e gjykatësit kjo është, të fusë njerëz në burg kur ka prova dhe të lirojë njerëz nga burgu kur ska prova.  Kjo është historia. tani çafrë kërkojmë ne që ti mbajmë njerëzit në burg pa prova.

Jo, publiku kërkon që gjykatësit të mos i bjerë telefoni nga asnjë zyrtar i lartë apo politikan dhe të ndikojë në vendimin e tij…

Doni tjua spjegoj ligjin?

Ligjin duhet tja shpjegoni atyre që kanë abuzuar…

Një gjyqtar në Gjykatën e Lartë  për tu hequr nga puna duhet që 2/3 e anëtarëve të parlamentit, pra që është shumicë për të ndryshuar kushtetutën duhet ta shkarkojnë atë dhe vetëm në shkaqe kushteutese dhe jo për cdo gjë. pastaj duhet që edhe gjykata Kushtetuese të japë të njëjtin mendim. Tani si mundet të mendojmë që një gjyqtar njënjeri që shërben në këtë gjykatë, me këtë super mbrojtje po e çaka kokën për një telefonatë nëse është bërë ndonjëherë.

Po thoni që nuk ka ndikuar?

Shkaqet ligjore nuk janë për të ndikuar. Tani a duam ne të besojmë ne që ndikon, kjo është histori besimi, është perceptim. Nëse dikush del e thotë që unë nuk e besoj këtë gjykatë dhe ky dikushi është kryeministër ta zëmë apo ministër apo shef opozite, thotë që unë nuk e besoj këtë gjykate se jep në mënyrë të njëanshme vendimet, cfarë mendoni ju se do të thotë një qytetar? Dhe kjo është papërgjegjshmëria e politikës është mëkati më i madh që ka bërë politika.

Sikur të ishte vetëm perceptimi i gabuar…

Jo nuk thashë që është vetëm kjo, por kjo ka shtuar klimën e mosbesimit dhe kjo ka ardhur nga parlamenti. A ka burrë nëne, jurist ose jo që të marri ligjin e konfliktit të interesit, në e kuptoftë njeri unë le kokën sonte këtu.

Gjykata e Lartë i shpëton pothuajse tërrësisht kontrollit institucinal të KLD-së aktualisht që flasim…

Totalisht, jo pothuajse, por totalisht.

Si është menduar që të rivendoset nën kontroll kjo gjykatë?

Duke u futur pjesë e sistemi gjyqësor dhe e monitorueshme nga KLGJ e ardhshme nga inspektoriati.

A do të jetë kundi ai që do të prodhojë trupën gjyqësore të Gjykatës së Lartë, ka një mekanizëm për këtë?

Është një pyetje me disa pikëpyetje që presim se çfarë do të na thotë Venecia. Sepse këtu ka një filozofi, deri më sot kemi skemën e balancës, President-Parlament e cila ka pasur vështirësite e këtyre viteve dhe kjo propozohet me vendosjen në qendër të gjëse së Parlamentit. Kjo ka shumë pikëpyetje sepse në fund të ditës Parlamenti është një mekanizëm politik, por po të jetë për mua ne duhet të eksploronim dhe duhet të eksplorojmë zgjidhje shumë më të mira për marrëdhëniet President-Parlament.

Çfarë do të thotë kjo?

Kjo do të thotë që  autoritetit i Presidentit të republikës duhe mbrojtur pavarësisht faktit që na pëlqen apo jo personi. Autoriteti i Presidentit është dekreti dhe dekreti nuk duhet të keqtrajtohet në atë mënyrë që parlamentarizimi në Shqipëri e 7-8 viteve të fundit e ka masakruar. Mund të eksploronim zgjidhje të tjera alternative, megjithatë mendimet e kushtetutës ka bërë një kapërcim të madh ka shkuar direkt tek parlamenti tek instituvcioni që e vendos atë.

Sondazh

Më shumë në këtë kategori: « Nishani në Paris: Shqipëria mbështet arritjen e marrëveshjes universale për klimën
Lista me 1.000 emra/ Dekoratat për “29 Nëntorin”, nga Moisiu e Puto, te nëna e Gjinushit dhe mjeku i Enverit »
Article Logic
Execution time: 0.025454044342041
array(1) { ["section"]=> string(87) "mbipopullimi-i-burgjeve-manjani-kam-nisur-procedurat-e-amnistise-ja-kush-perfiton-26642" }