Meta autorizon Bushatin për negociatat me Greqinë

Publikuar tek: barometri, më 09:10 20-03-2018 Meta autorizon Bushatin për negociatat me Greqinë

Presidenti i Shqipërisë Ilir Meta dhe ministrit për Evropën dhe Punët e jashtme

Presidenti i Shqipërisë Ilir Meta i ka dhënë autorizimin ministrit për Evropën dhe Punët e Jashtme Ditmir Bushatit për të negociuar me shtetin grek.

Nëpërmjet një njoftimi zyrtar, Meta shprehet se Bushati tashmë e ka plotfuqinë për të negociuar me Greqinë, dhe se instucionet e përfshira duhet të respektojnë Kushtetutën.

NJOFTIMI I PRESIDENCËS:

“Presidenti i Republikës, Sh.T.Z Ilir Meta në mbështetje të nenit 92 gërma “ë”, nenit 116, nenit 121 pika 1, nenit 132 të Kushtetutës; Vendimit nr.15, datë 15.04.2010 të Gjykatës Kushtetuese të Republikës së Shqipërisë; Nenit 6 pika 3, shkronja “a” të ligjit nr. 43/2016 “Për marrëveshjet ndërkombëtare në Republikën e Shqipërisë”, në vijim të kërkesës të Ministrisë për Evropën dhe Punët e Jashtme autorizoi sot Ministrin për Evropën dhe Punët e Jashtme, z.Ditmir Bushati, të lëshojë Plotfuqinë për Grupin Negociator të Republikës së Shqipërisë për negocimin e “Projektmarrëveshjes ndërmjet Republikës së Shqipërisë dhe Republikës së Greqisë për kufizimin e zonave të tyre detare”.

Presidenti i Republikës, Sh.T.Z Ilir Meta u kërkon Ministrisë për Evropën dhe Punët e Jashtme, institucioneve shtetërore shqiptare, të përfshira në këto negociata dhe Grupit Negociator, të përmbushin përgjegjësitë e tyre në respekt të Kushtetutës së Republikës së Shqipërisë, të Vendimit nr.15, datë 15.04.2010 të Gjykatës Kushtetuese, akteve ndërkombëtare ku Republika e Shqipërisë është palë, kuadrit të brendshëm ligjor, në interes të ruajtjes dhe ushtrimit të sovranitetit territorial dhe juridiksionit kombëtar dhe të garantimit të sigurisë, dobisë ekonomike e sociale të vendit”.

Sondazh

Article Logic
Execution time: 0.033814907073975
array(1) { ["section"]=> string(56) "meta-autorizon-bushatin-per-negociatat-me-greqine-113848" }