Ministria e Brendshme denoncon skandalin: Si e liroi gjyqtarja vlonjatin që u arrestua për vrasje

Publikuar tek: barometri, më 07:47 09-08-2018 Ministria e Brendshme denoncon skandalin: Si e liroi gjyqtarja vlonjatin që u arrestua për vrasje

Zv.ministri i Brendshëm Besfort Lamallari në një konferencë për shtyp denonoi një skandal të ndodhur në Vlorë.

 

Ministria ka denoncuar një vendim të gjyqtares Herila Çela, në gjykatën e Vlorës.  Gjyqtarja Çela ka vendosur të heqë arrestin me burg për 28 vjeçarin Taulant Manaj, i njohur edhe me mbiemrin Beqiraj duke caktuar për të arrest në shtëpi.

Emri i Beqirajt u bë publik në muajin shkurt ku dy grupe rivale u përfshin në një shkëmbim zjarri në qytetin e Vlorës. Ky i fundit u arrestua 2 herë nga policia në një hark të shkurtër kohor. Në shktur të vitit të kaluar Taulant Manja u akuzua për vrasje me dashje. Ndrësa  gjyakata  Vlorës nga arrest me burg ndryshoi masën në arrest shtëpie.

Ndërkohë më 23 qershor, 28 vjeçari u arrestua sërish në akuzën ‘Largimi i të burgosurit nga vend i burgimit’, ‘Prodhim dhe shitje lëndësh narkotike' si  dhe 'armëmbajtje pa leje’.

Por pas këtyre gjyqtarja e Vlorës ka rrëzuar kërkesën e prokurorisë për lënien në fuqi të arrestit duke i dhënë lirinë 28 vjeçarit.

Lidhur me këtë ngjarje vjen edhe reagimi nga Minsitrisë e Brendshme, e cila e cilën si akt të rëndë këtë vendim.

Më poshtë deklarata e plotë e ministrisë:

Sot është sjellë në vëmendjen e medias vendimi i gjyqtares së Gjykatës së Shkallës së Parë Vlorë. Ky vendim, në kufijtë e absurdit, ka vënë në pikëpyetje gjithë luftën dhe sakrificën e bërë deri më tani. Duke pasur besimin se vendimet e gjykatave nuk janë pronë apo interes vetëm i gjyqtarit që jep vendimin, gjejmë rastin të denoncojmë me forcë dhe publikisht historikun e një të personi të arrestuar 2 herë brenda pak muajve për vepra të rënda penale dhe i lënë më pas në masën “Arrest shtëpie”, megjithëse herën e dytë kishte thyer këtë masë dhe u kap me armë në makinë.

Më datë 27.02.2017, shërbimet policore të DVP Vlorë, kanë bërë arrestimin në flagrance të shtetasit Tauland Manaj (Taulant Beqiraj), 28 vjeç, banues në Vlorë, për veprën penale “Vrasje me dashje, e mbetur në tentativë, kryer në bashkëpunim” dhe “Mbajtje pa leje e armeve luftarake dhe municionit”. Gjykata e Shkallës së Parë Vlorë me Vendimin Nr. 61 datë 02.03.2018 ka caktuar masën e sigurisë “Arrest ne burg”, për shtetasin Taulant Manaj. Me Vendimin Nr.979 datë 28.03.2018, Gjykata e Apelit Vlorë ka ndryshuar masën e sigurisë nga “Arrest ne burg”, ne masën e sigurisë “ Arrest në shtëpi “ për shtetasin Taulant Manaj.  Më datë 23.06.2018, u be arrestimi ne flagrance i shtetasit, Taulant  Manaj (Beqiraj) i dyshuar për kryerjen e veprave penale “Largimi i të burgosurit nga vendi i qëndrimit”, “Mbajtja pa leje dhe prodhim i armeve, armeve shpërthyese dhe i municioneve “ dhe “Prodhim dhe shitje e narkotikeve “. Me Vendim Nr. 1416 date 06.08.2018, Gjykata e Shkalles së Parë Vlorë, ka vendosur zëvendësimin e masës se sigurimit personal “ Arrest në burg” me masën e sigurisë “ Arrest në shtëpi”, për një person përsëritës dhe të njohur për rrezikshmërinë kriminale në qytetin e Vlorës.

Ky rast nuk është i vetëm. Ministria e Brendshme dhe Policia e Shtetit kanë bërë publik vendime gjykatash në kundërshtim të hapur me ligjin. Ndaj, gjejmë rastin të denoncojmë gjithashtu vendimet, në më shumë se 18 raste, të Gjykatave të Rretheve Vlorë, Elbasan, Lezhë, Tiranë, Korçë e Shkodër,  ku ndaj të arrestuarve me armë pa leje, për tentativë grabitje më armë, apo duke thyer masën e sigurisë dhe duke qarkulluar me armë në qytet, janë dhënë vendime aspak në zbatim të ligjit apo në funksion të rritjes së parametrave të sigurisë në vend: vendime arrest shtëpie, detyrim paraqitje, apo  lirim të menjëhershëm nga salla e gjyqit.

Duke e konsideruar ndërtimin e shtetit ligjor dhe drejtësinë si vlera dhe destinacioni ynë i përbashkët; duke çmuar patjetër dhe bashkëpunimin e deritanishëm - me raste të padiskutueshme suksesi të përbashkët - që është vendosur mes Policisë së Shtetit dhe Prokurorisë; duke besuar në rreshtimin tone në një llogore me vendosmërinë për të luftuar pandëshkueshmërinë; në emër të Ministrisë së Brendshme dhe Policisë së Shtetit apelon institucionet përkatëse, si dhe organin e akuzës, të reagojë për të ndërtuar kulturën e barazisë para ligjit, ndëshkimin e ashpër ndaj çdo personi të përfshirë në veprimtari kriminale me rrezikshmëri të lartë shoqërore dhe sidomos ndaj përsëritësve në krim dhe atyre që janë pjesë e grupeve të strukturuara kriminale.

Sondazh

Article Logic
Execution time: 0.040972948074341
array(1) { ["section"]=> string(103) "ministria-e-brendshme-denoncon-skandalin-si-e-liroi-gjyqtarja-vlonjatin-qe-u-arrestua-per-vrasje-130569" }