Ndahet nga jeta regjisori i famshëm hollivudian

Publikuar tek: kulture-art, më 23:54 14-04-2018 Ndahet nga jeta regjisori i famshëm hollivudian

Kineasti amerikano-çek, Milos Forman, fitues i disa çmimeve në Hollivud, i cili u shpërngul nga vendi i tij para shtypjes së Pranverës së Pragës në vitin 1968, vdiq sot në moshën 86-vjeçare.

”Martina Forman më njoftoi sot në mëngjes se bashkëshorti i saj Milos kishte ndërruar jetë në spitalin Danbury, në afërsi të shtëpisë së tyre në Warren, në Konektikat”, pohoi për median agjenti i tij, Ennis Aspland.

Më herët gjatë mesditës, mediat çeke cituan deklarata të bashkëshortes së kineastit, ku thuhej se ai u largua paqësisht nga kjo jetë, i rrethuar nga familja dhe të afërmit e tij.

Milos Forman është shpërblyer dy herë me Çmimin Oskar si skenaristi më i mirë, në vitin 1976 për filmin ”Fluturim mbi folenë e qyqes” dhe në vitin 1985 për ”Amadeus”.

Më shumë në këtë kategori: « 'Të etur për 'skandalet' e Ornelës, por jo për artisten Vorpsi…'
»
Article Logic
Execution time: 0.017817974090576
array(1) { ["section"]=> string(54) "ndahet-nga-jeta-regjisori-i-famshem-hollivudian-116933" }