Ndarja me LSI për "drejtësinë", Pandeli Majko i propozon Kongresit zgjedhje të parakohshme

Publikuar tek: politike, më 18:53 12-03-2016 Ndarja me LSI për

Miratimi i reformës në drejtësi në Kuvend nuk duket i afërt dhe përveç kundërshtimeve mes opozitës dhe mazhorancës, ndarjet janë të thella edhe vetë brenda kampit të majtë. LSI ka kërkuar dialog politik për të votuar draftin final, ndërsa PS e shikon zgjidhjen tek ekspertët.

Vetëm pak pas deklaratës së kreut të Kuvendit, Ilir Metës, për këtë çështje, ka reaguar deputeti i PS-së, Pandeli Majko. Majko ka theksuar se pa këtë reformë Shqipëria nuk ka të ardhme, ndërsa ka shkuar më tej kur është shprehur se Kongresi i PS-së duhet të vendosë për zgjedhje të parakohshme në rast të dështimit të një marrëveshjeje.

“Ajo është konstruktuar dhe nuk mund të rinegociohet në parimet e saj duke e zhbërë atë me komedinë e konsensusit politik. Nuk jam kundër dialogut por mendoj se kundërshtarët e reformës janë sot më të qartë se sa përkrahësit e saj. Unë kam një propozim për Kongresin e Partisë sime të cilën e dua se dua Shqipërinë. Partia në çdo rast është pjesa. Shqipëria ka brenda edhe kundërshtarët politikë me të cilët ndajmë një atdhe dhe një të ardhme. Pa drejtësi nuk ka të ardhme për vendin tonë. Të vetëm nuk ja dalim dot. Kjo zgjidhje kërkon zgjedhje. Duhet të vendosim. Në këtë rast maskat nuk funksionojnë. Sigurisht”, shkruan ndër të tjera Majko.

Meta u shpreh sot se: “Nuk përjashtohet edhe komunikimi e përfshirja e eskpertëve për çështje të caktuara”.

Reagimi i plotë i Pandeli Majkos:

Politika është një lëndë përtej gjuhës së folur. Ajo ju takon njerëzve që dinë të marrin vendime.

Si anëtar i komisionit të reformës së drejtësisë nuk kam ndonjë merak të bëhem pjesë e tragji-komedisë për një histori politike që po shkon drejt fundit. Kërkesa që reforma të negociohet politikisht në terma praktikë kërkon ta vrasë atë. Kush dëgjon kundërshtarët e reformës kupton se përpjekja për ta trajtuar atë si një cështje politike e fillon punën nga e para. Thuajse gjithshka cfarë është bërë dhe diskutuar në këtë reformë me ekspertizën ndërkombëtare europiane dhe amerikane bie. Bashkë me kërkesën për dialogun e ashtuquajtur politik bie “bashkëpronësia” e deklaruar në publik nga faktori ndërkombëtar për shtyllat dhe parimet e reformës.

Në mbledhjen e fundit të komisionit paralamentar kundërshtarët e reformës morën qëndrim zyrtar kundër këtyre parimeve dhe strukturës së reformës. Ironia arrin aty sa të njëjtit njerëz që kërkuan dhe votuan ndërprerjen e mandatit për një deputet “kriminel” në Kuvend e refuzojnë ta bëjnë këtë për një gjykatës dhe prokuror që bashkëpunon me mafian dhe liron kriminelët e “pafajshëm” apo që nuk di të shpejgojë gjendjen e tij financiare.

Të flasësh në politikë do të thotë të jesh i qartë. Në se kjo situatë vazhdon kështu Partia Socialiste duhet të bëjë një zgjedhje. Reforma e drejtësisë nuk është një nga reformat tradicionale me mbushje “formularësh” me të cilat publikut shqiptar i ka ardhur në majë të hundës. Lufta për të drejtën nuk është legalizimi ndershmërisë me formular.

Reforma e drejtësisë është dhe do të jetë jetike për të ardhmen e Shqipërisë në integrimin europian. Ajo është një reformë për anëtarësimin e Shqipërisë në Bashkimin Europian. Për këtë arsye ajo ka edhe bashkëpronësi ndërkombëtare. Ajo është konstruktuar dhe nuk mund të rinegociohet në parimet e saj duke e zhbërë atë me komedinë e konsensusit politik. Nuk jam kundër dialogut por mendoj se kundërshtarët e reformës janë sot më të qartë se sa përkrahësit e saj.

Në se nuk mundemi të bindim kundërshtarët e reformës së drejtësisë atëherë shoqëria shqiptare nuk duhet të lihet si “vëzhguese”. Kjo reformë nuk është pronë e politikanëve pasi për politiken, drejtësia ka “funksionuar” shumë mirë.

Përgjigja e debatit steril për dashurinë e politikanëve për atdheun dhe partinë ka raste që ka kuptim. Partia Socialiste nuk ka pse pranon bashkëfajësinë në këtë histori mafioze që rëndon mbi drejtësinë shqiptare. Unë kam një propozim për Kongresin e Partisë sime të cilën e dua se dua Shqipërinë. Partia në cdo rast është pjesa. Shqipëria ka brenda edhe kundërshtarët politikë me të cilët ndajmë një atdhe dhe një të ardhme. Pa drejtësi nuk ka të ardhme për vendin tonë. Të vetëm nuk ja dalim dot. Kjo zgjidhje kërkon zgjedhje. Duhet të vendosim. Në këtë rast maskat nuk funksionojnë. Sigurisht.

Sondazh

Më shumë në këtë kategori: « ‘’JO’’ tryezës politike me PD? Meta: Në filozofinë e saj LSI s’ka asnjë formë përjashtuese. Me durim, qetësi dhe qartësi
Blushi: Nuk dua të rrëzoj PS-në nga pushteti, po kërkoj ndryshim »
Article Logic
Execution time: 0.024569988250732
array(1) { ["section"]=> string(93) "ndarja-me-lsi-per-drejtesine-pandeli-majko-i-propozon-kongresit-zgjedhje-te-parakohshme-34923" }