Ndarja nga jeta e Fadil Vokrrit, FSHF letër ngushëlluese: Jemi të tronditur

Publikuar tek: sport, më 12:02 09-06-2018 Ndarja nga jeta e Fadil Vokrrit, FSHF letër ngushëlluese: Jemi të tronditur

Reagon FSJHF pas vdekjes së parakohshme të Fadil Vokrrit, Presidentit të Federatës Kosovare të Futbollit. Vokrri u nda nga jeta ditën e sotme pasi pësoi një atak kardiak.

Nëpërmjet një letre të bërë publike në faqen zyrtyare të FSHF ku shpreh ngushëllimet e thella.

Letra e FSHF-së:

Federata Shqiptare e Futbollit ndihet thellësisht e tronditur dhe e shokuar nga ndarja e parakohëshme nga jeta e mikut, dhe kolegut të saj, kreut të Federatës së Futbollit të Kosovës, z.Fadil Vokrri.

Në emër të Presidentit të FSHF-së, z.Armand Duka, sekretarit të përgjithshëm z.Ilir Shulku, si edhe të gjithë anëtarëve të Komitetit Ekzekutiv të FSHF-së, komuniteti i Futbollit në Shqipëri përcjell ngushëllimet më të thella e më të sinqerta për familjen, të afërmit, miqtë, spordashësit dhe mbarë qytetarët e Kosovës për këtë ndarje tragjike e të parakohëshme nga jeta të zotit Vokrri, që vuri gjithcka në dispozicion të rritjes dhe zhvillimit të Futbollit në Kosovë.

Kontributi i Presidentit Vokrri do të mbahet mend shumë gjatë për angazhimin e tij maksimal dhe gjithpërfshirës në drejtim të ngritjes dhe përfaqësimit ndërkombëtar të Kosovës dhe Futbollit të saj, në Europë dhe në Botë.

FSHF është e bindur që fizionomia dhe idetë e tij për progresin e Futbollit të Kosovës, në rang kombëtar dhe ndërkombëtar do të ndiqen dhe elaborohen ndër vite nga brezat dhe kolegët e FFK-së.

Ndarja e tij e parakohëshme nga jeta mbetet një humbje shumë e madhe për futbollin kosovar, por edhe për të gjitha trevat shqipfolëse anembanë botës.

Lamtumirë miku ynë Fadil!

Shpirti yt u prehtë në paqe!

Sondazh

Article Logic
Execution time: 0.022217035293579
array(1) { ["section"]=> string(80) "ndarja-nga-jeta-e-fadil-vokrrit-fshf-leter-ngushelluese-jemi-te-tronditur-123785" }