Nexhmije Pagarusha në spital, ja çfarë i ndodhi në shtëpi

Publikuar tek: aktualitet, më 12:01 11-07-2018 Nexhmije Pagarusha në spital, ja çfarë i ndodhi në shtëpi Nexhmije Pagarusha

Këngëtarja e njohur Nexhmije Pagarusha ka përfunduar në spital.

Mësohet se ajo është dërguar gjatë natës në Qendrën Klinike Universitare të Kosovës.

Siç raportojnë mediat kosovare këngëtarja është transportuar në spital me autoambulancë. Lajmin e ka konfirmuar edhe zëdhënësi i QKUK-së, Shpend Fazliu. Ai tha se 85-vjeçarja këngëtarja ishte lënduar në shtëpi, pasi i kishte rënë një dollap.

“Zyra e informimit QKUK, ju konfirmon se pacientja N.P, ka kërkuar ndihmë mjekësore si pasojë e lëndimeve që ka marrë në shtëpi. Është dhënë ndihma mjekësore në kuadër të klinikës emergjente dhe është jashtë rrezikut për jetë. Janë duke vazhduar ekzaminimet tjera diagnostike në kliniken e radiologjisë në QKUK”, ka thënë Shpend Fazliu.

Ndërkohë gjendja e saj është e qëndrueshme dhe jashtë rrezikut për jetën. Këngëtarja Pagarusha gëzon epitetin “Bilbili i Kosovës”, kjo për shkak të karrierës së saj të bujshme si këngëtare e popullit. Së fundmi, ajo solli një duet me këngëtaren Violetë Kukaj-Retkoceri, këngën “Mbushni gotat”, me çka shënoi edhe rikthimin në muzikë pas një mungese të gjatë.

 

Sondazh

Më shumë në këtë kategori: « Britanikja “The Sun”, braktisni Korfuzin për Dhërmiun
Tre veta rrahin në rrugë një 91-vjeçar, i marrin portofolin dhe unazën e floririt ( DETAJET ) »
Article Logic
Execution time: 0.024523973464966
array(1) { ["section"]=> string(63) "nexhmije-pagarusha-ne-spital-ja-cfare-i-ndodhi-ne-shtepi-127531" }