Nga Ilir Meta, te Shpëtim Idrizi. Cilët janë politikanët që kanë ndërruar mendje gjatë rrugës

Publikuar tek: politike, më 11:58 26-03-2016 Nga Ilir Meta, te Shpëtim Idrizi. Cilët janë politikanët që kanë ndërruar mendje gjatë rrugës

Nga Ilir Meta, te Shpëtim Idrizi. Cilët janë politikanët që kanë ndërruar mendje gjatë rrugës së tyre politike? Kjo është një nga pyetjet, të cilës i përgjigjet politologu Afrim Krasniqi. Ai ka renditur politikanët që kanë krijuar parti të reja, apo kanë lëvizur nga njëra parti në tjetrën, gjatë  26 viteve.

Ja çfarë shkruan Krasniqi:

“Në 26 vjet ka ndodhur disa herë kur politikanë me mandat parlamentar ose me poste drejtuese të larta në një nga partitë e mëdha politike, kanë vendosur të shkëputen duke krijuar parti të reja politike. Në shumicën e rasteve motiv ka qenë mungesa e demokracisë së brendshme dhe shanseve të konkurrimit me kryetarin – lider të partisë, – por vitet e fundit ka tendencë të ikjes me motivin e marketingut politik, – gjetjes së një posti të lirë kryetari si shans për të siguruar mandat parlamentar në koalicion me njërën prej partive të mëdha. Nga mbi 116 parti të vogla politike, vetëm dy parti janë shkrirë (PDR dhe PLDNJ), një tjetër lajmëroi se është shkrirë (PSV91), të tjerat jetojnë e mbijetojnë, kryesisht në koalicione në kujdestarinë e partive të mëdha.

Në vitet ’90 dhe fillimet e dekadës së dytë kalimi i një mandati parlamentar tek një parti e re politike automatikisht sillte regjistrimin e saj në zgjedhje. Kjo praktikë nxiti fragmentarizmin e partive kryesore dhe lindjen e shumë partive të vogla. Pas vitit 2009 rregullat kanë ndryshuar: sikur 140 deputetët të vendosin të krijojnë një parti të re politike ata janë të detyruar të mbledhin 3000 firma për ta themeluar partinë dhe shumë më tepër firma të tjera për ta regjistruar si subjekt zgjedhor. Kjo praktikë shtegtuese penalizon përpjekjet e politikanëve për të krijuar parti të reja, ndaj mekanizmi i ri që mund të aplikohet është “blerja” e partive të vogla që janë miratuar në gjykatë vite më parë, por që janë in-aktive në jetën politike. Të paktën një parti ka deputet aktualisht në parlament përmes këtij mekanizmi, blerjes së një partie legjitime dhe konkurrimin në emër të saj në koalicion me PS ose PD, pa pasur nevojë për firma mbështetëse. E njëjta praktikë pritet të ndodh edhe në vitet në vijim, derisa ligji i partive politike të rishikohet dhe praktika integrale e legalizimit të partive të bëhet më demokratike, më liberale dhe më konkurruese në zgjedhje.”

politikanetpartite

Sondazh

Më shumë në këtë kategori: « Idrizi sulmon ministrin Bushati: S’u tregua në lartësinë e duhur! Mesila Doda i bashkohet PDIU-së
Mirela Kumbaro i tregon Turjan Hyskës a e bëri për të qarë Rama… »
Article Logic
Execution time: 0.025737047195435
array(1) { ["section"]=> string(97) "nga-ilir-meta-te-shpetim-idrizi-cilet-jane-politikanet-qe-kane-nderruar-mendje-gjate-rruges-36064" }